"Governu Izrael hakarak sira hela iha ne’ebá, tanba governu Israel hakarak nafatin sira iha servisu no eskola iha ne'ebá, tanba alende sira servisu no eskola, sira mós manan osan," Adaljiza Magno hateten ba jornalista iha Palásiu Prezidensiál Bairru-pite, Segunda (16/11).

Ministra ne'e mós dehan, timoroan sira ne'ebé atu fila mai ne'e mak governu mak selu, entaun sira bele mai husi Israel ba Thailand depois mai Malazia no mai liu Timor-Leste.

Nia mós informa katak, alende husi estudante sira ne'e, iha mós estudante sira ne'ebé hala'o hela estudu iha nasaun sira CPLP ne’ebé kontinua la'o ho di'ak.

"Sira kontinua estuda hela, sira ne'ebé hotu ona, foin daudaun sira fila ona ho aviaun Aero-Atlantic, maibé sira seluk ne'ebé kontinua estuda, to'o agora laiha keixa ruma ne'ebé sira kontinua eskola," nia relata.

Maski nune’e, governante ne’e mós hateten katak, Governu liu husi Ministériu Negósiu Estranjeiru no Kooperasaun (MNEK) kontinua buka dalan liuhusi diskusaun ho governu Israel nian, hodi lori fila estudante na’in 36 mai Timor.

Ministra Adaljiza Magno hateten, Timoroan sira ne'ebé iha Israel ne'e la'ós atu fila hotu, maibé na'in 36 mak hakarak fila ona mai Timor.

"Prinsipalmente la'ós timoroan hotu iha Israel hakarak fila, maibé iha na'in 36 de'it mak hakarak fila ona. Entaun, ami foin haruka embaixadór TL nian iha Singapura ko'alia ho embaixadór Israel nian iha ne'ebá," Ministra Adaljiza hateten.(*)

PUBLISIDADE