MAPKOMS Ezekuta Ona 76% Husi OJE 2020

Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo Foto File

Tempotimor (Díli)- Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo iha (16/11) hala'o sorumutuk ida ho deputadu parlamentár husi Komisaun G ne'ebé trata asuntu sidadánia, juventude igualidade no kultura, iha Parlamentu Nasionál, hodi relata kona-ba progresu husi ezekusaun Orsamentu Jerál Estadu (OJE) 2020 nian ne'ebé dadaun ne'e ministériu halo inklui mós projesaun OJE 2021 nian saida maka atu ministériu halo.

Ezekusaun ne’e, MAPKOMS konsege ezekuta to’o ona pursentu 76 (%).

“Kona-ba ezekusaun orsamentu 2020, ministériu asuntu parlamentár komuniksaun sosiál to’o iha loron 20 Outubru atinje 76%,” Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo hateten ba jornalista sira iha PN, Segunda (16/11).

Nia dehan, durante halo audiénsia ho komisaun G, deputadu sira la hato'o rekomendasaun ruma ba MAPKOMS, tanba sira hare katak, ezekusaun OJE 2020 nian ne'ebé ekipa ministériu hala’o ona, tuir duni ninia prosesu ne'ebé loos.

“Ne'ebé ba komisaun G, ezekusaun nee másimu”, dehan nia.

Nia mós informa, prioridade ministériu nian iha 2021 hamutuk lima, prímeiru kona-ba atu fortifika relasaun parlamentár nian ho governu, halo liña komunikasaun mós iha área komisaun, plenária no bankadas.

Iha programa segundu maka atu fortifika governasaun diak iha ministériu rasik, hadia burokrasia ne'ebé boot tenke hamenus atu nune'e servisu bele la'o lalais liu tan.

“Terseiru mak defende nafatin liberdade espresaun, liberdade imprénsa, liberdade ba asesu informasaun, depois iha programa da-haat maka atu haree kona-ba desimina informasaun ne'ebé loloos ba públiku ba sidadaun hotu-hotu hodi hatene, lori programa sira ba to'o iha povu nia leet atu hatene saida maka governu halo”, dehan nia.

Iha programa dalima maka, halo diversifikasaun komunikasaun sosiál, tanba ohin loron iha área dizitalizasaun atu prepara diversifika RTTL, liuhusi harii torre sira, tenke prepara kondisaun sira hanesan uma atu bele halo servisu sai di'ak liu tan.(*)

 

PUBLISIDADE

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks