FRETILIN “Akuza” CNRT Investe Tinan 10 ba Natar Estranjeiru

Trator sira ne'ebe Governu Timor Leste sosa sai besi tua Trator sira ne'ebe Governu Timor Leste sosa sai besi tua Foto Arkivu

Tempotimor (Dili) - Deputadu bankada Frenti Revolucionário Timor-Leste Independente (FRETILIN), Mariano Fatubai Mota 'akuza' governu Congresso Nasionál Reconstrusaun Timorense ne'ebé ukun durante tinan 10, investe osan barak liu ba natar iha estranjeiru.

Fatubai hatete, durante ne’e ekonomia rai laran la avansa tanba Timor-Leste dependensia ba importasaun husi estranjeiru, kuaze tinan 10 no iha Parlamentu Nasionál aprova orsamentu ne'ebé bo'ot, maibe produtu báziku hanesan fos, mina, supermie kontinua importa husi liur.

Deputadu bankada Fretilin ne'e akresenta, ho surtu Covid-19 ne'ebé akontese iha mundu, VIII governu konstitusionál hanoin hodi implementa programa rekoperasaun ekonomika liuhusi sesta bázika hanesan maneira atu hasa’e produsaun rai-laran.

"Ita hare'e katak, kuaze tinan barak ita investe barak iha natar Kambodia, Vietname, ema nia natar iha ne'ebá buras tebes, ita nia iha ne'e maran par mate, tanba sa tinan sanulu ita aprova osan hodi hola deit ema nia produtu," Fatubai kestiona iha Parlamentu Nasional Dili, Segunda (9/11).

Fatubai hatutan, tinan sanulu governu gasta osan barak ona, maibe povu kontinua moris sofre liu fali tinan 24 okupasaun Indonézia.

Tanba ne'e, Fatubai apoia no fo apresiasaun ba implementasaun programa rekoperasaun ekonomika 'sesta bazika' husi VIII governu, tanba konsidera bele hasa'e ona produsaun agrikultór inklui bele motiva povu iha kapitál fila ba munisípiu hodi halo natar.

Antes ne'e, deputadu husi bankada opozisaun CNRT Fernanda Lay kritika no konsidera governu kria programa sesta bázika atu 'bosok povu' tanba iha inplementasaun sesta bazika, governu fahe mós pepsodente ba populasaun atu kose nehan.

Tuir Lay, pela primeira ves governu hatudu sira nia solidaridade pepsodente, 0,50 sentavus ne'ebe ho folin kiik oan hodi fó ba populasaun.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks