"Partilla servisu PDHJ nian ne'ebé liga ho mandatu PDHJ atu halo fiskalizasaun ne’ebé fó dalan atu halo supervizaun ba iha autoridade públika sira-nia funsionamentu, partikularmente governu ho nia órgaun sira," dehan Provedora, Jesuína Maria Ferreira Gomes, iha Palásiu Governu, Tersa (8/9).
Alende husi servisu monitorizasaun ne'e, nia mós relata ba Primeiru Ministru katak, sei análiza hela dokumentu ba kontratu termu sertu nian.
“Ne’ebé ami husu hela informasaun no dokumentu ba ministériu sira para halo análiza kona-ba kontratu termu sertu iha administrasaun publika ministériu ho sekretáriu estadu sira. Monitorizasaun balu liga ho direitu ekonómiku sosiál no kultura nian hanesan infraestrutura, saúde, edukasaun no seluk tan," nia dehan.
Jesuína hatutan, relata informasaun sira ne’e atu hatene PDHJ mós hala’o hela servisu no husu mós apoiu husi governu, para nia mandatu la'o ho di'ak. (*)