Login to your account

Username *
Password *
Remember Me

MAE sei Distribui Komputadór no Printer Ba Kada Suku

Ministru Administrasaun Estatál (MAE) Miguel Pereira de Carvalho Ministru Administrasaun Estatál (MAE) Miguel Pereira de Carvalho Foto Tempo Timor

Tempotimor (Dili)-Ministériu Administrasaun Estatál (MAE) propoin ona iha Orsamentu Jerál Estadu (OJE) ba tinan 2021 atu sosa komputadór no printer hodi distribui ba kada suku.

Ministru Miguel Pereira de Carvalho hateten, durante ne'e kuaze suku barak sei menus ba fasilidade, tan ne'e iha tinan 2021 ho OJE sei rezolve problema ne’e fazeadamente.

"Ministériu Administrasaun Estatál iha planu tau fasilidade balun iha sede suku sira atu bele iha komputadór no printer ida para bele fasilita sira-nia servisu, tan ne'e ministériu propoin ba orsamentu jerál estadu 2021", dehan nia, iha Palásiu Governu, Segunda (7/9).

Governante ne'e rekoñese, iha suku balun to'o oras ne'e fasilita sai hanesan difikuldade, tanba iha governu anteriór menus kapasidade finanseiru atu kobre ba nesesidade báziku sira iha suku.

Nia dehan, durante ne'e suku sira seidauk iha fasilidade, tanba razaun kapasidade finanseiru Estadu nian la sufisiente atu atende nesesidade hotu-hotu inklui suku sira.

Planu prioridade MAE iha tempu pasadu mak rezolve insentivu ba membru Konsellu Suku, halo sede suku no mós arranja farda no motorizada ba Xefe Suku.

Nia argumenta, kontestu dezenvolvimentu rezolve problema hotu ho fazeadamente, tan ne'e ho OJE tinan 2021 nian espera bele rezolve ezijénsia balun ne'ebé mai husi suku. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter