"Ba STAE, ha'u hakarak konfirma dala-ida tan katak, preparadu atubele realiza eleisaun prezidensiál iha tinan oin”, dehan nia iha PN, sesta (05/11).
Tanba, prosesu téknikamente STAE realiza ona, hanesan resenseamentu eleitorál nomós atualizasaun baze dadus iha teritóriu laran nomós iha estranjeiru.
Purtantu ba eleisaun prezidensiál iha tinan 2022, sekretariadu Tékniku Administrasaun Eleitorál (STAE) propoin ona orsamentu hamutuk Millaun UU$9.3 atubele finánsia eleisaun ronde dahuluk nomós ba ronde daruak nian.
"Siknifika planu ne'e ba eleisaun rua ne'e hotu, ne'ebé ita espera iha tempu ruma iha janeiru nia laran, sua exelénsia Prezidente Repúblika, bazeia ba proposta husi STAE no CNE, bele dekreta ona data ba eleisaun prezidensiál nian”, dehan nia.
MAE fiar ho proposta OJE hodi prevé millaun US$9.3 ne'e naton no sufisiénte ona atu finansia realizasaun eleisaun iha sentru votasaun hamutuk 1.200, nomós estasaun votu ne'ebé mak kuaze 1.500.
"Kona-bá sentru paralelu sira ne'e, lei aprovadu tiha ona, e Ministériu Administrasaun Estatál agora iha ona prosesu de revizaun ba dekretu Governu no regulamentu sira ne'ebé mak regulamentu sobre realizasaun eleisaun sira iha kada de estasaun votu”, afirma nia. (*)