Tuir deputadu Gabriel governu tenke esplika duni tanba subsidiu nee laos povu mak husu maibé governu mak promete.
"Governu ida ne'e promete, la'ós ita-nia povu mak husu," dehan Gabriel iha plenaria Parlamentu Nasional, Kinta (03/09).
Nia husu atu governu deklara loloos atu bele hatene failansu no dezafiu ne'e iha ne'ebé.
Gabriel fó ezemplu kona-ba subsidiu $200 ba kada uma-kain neebé too ohin loron xefi familia lubuk ida seidauk hetan.
Tuir nia, molok nee Ministériu Solidarida Sosial no Inkluzaun (MSSI) hatete katak uma-kain ne'ebé seidauk hetan subsidiu hatama karta reklamasaun ho durasaun loron 15.
Realidade, nia dehan, loron 15 nee liu dook ona, maibé too ohin seidauk iha pagamentu ba sira neebé seidauk simu.
“Iha baze ema sura 15 dias ne'e ba dala tolu, dala haat ona, na realidade to'o ohin seidauk kumpre ba 15 dias ida ne'e,” dehan nia.(*)