Molok Resesu, PN Hakarak Rona Relatoriu EE

By Tempo Timor July 24, 2020 1336

font size decrease font size increase font size
Print
Email

Sekretaria Meza Parlamentu Nasional, no Atual deputadu Bankada Fretilin Lídia Norberta ba jornalista iha resintu parlamentu nasional. (24/7). Foto Tempo Timor

Tempotimor (Dili)-Tuir rejimentu Parlamentu Nasionál (PN) hahú husi 30 Jullu oin mai, deputadu sira sei tama ba periodu resesu. Tan ne’e, molok tama ba periodu refere, PN hakarak atu bolu governu hodi aprezenta relatoriu kona-ba Estadu Emerjensia.

Sekretária Meza Parlamentu Nasional (PN) Lídia Norberta hatete, molok PN tama iha periodu resesu, ne’ebé tuir rezimentu hahú iha 30 Jullu, PN hakarak atu governu aprezenta relatoriu EE ba PN.

Tan ne’e, nia hatete, lider bankada deside ona ajenda uniku atu fó posibilidade ba PM Taur ho nia membru governu sira hodi aprezenta relatoriu EE ba PN.

“Agora ajenda uniku ne’ebé lider bankada deside iha plenariu 28 (Jullu) ne'e Primeiru Ministru ho nia membru governu sira sei mai aprezenta relatoriu ka deklarasun estadu emerjensia," dehan Lídia hafoin reuniaun lider bankada iha PN, Sesta (24/07).

Entretantu, reuniaun lider bankada ne’e lidera husi prezidente parlamentu nasional (PN) Aniceto Guteres ho nia ekipa no hetan artisipasaun huai deputadu bankada KHUNTO, CNRT, FRETILIN, PD, UDT/FM, no PLP, no partisipa mós husi reprezentante governu, Ministru Asuntu Parlamentar no Komunikasaun Sosial Francisco Jerónimo.

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com