PM Taur Garante Ezekusaun Governu sei Sa’e

PM Taur Matan Ruak ko'alia ba Jornalista sira hafoin hasoru malu ho PR Francisco Guterres Lu Olo PM Taur Matan Ruak ko'alia ba Jornalista sira hafoin hasoru malu ho PR Francisco Guterres Lu Olo Foto Midia PR

Tempotimor (Dili)-Estrutura governu konstitusional daualu ne’ebé kompletu ona halo Primeiru Ministru iha konfiansa boot katak ezekusaun orsamentu sei sai maka’as.

PM Taur hatete, ho estrutura governu ne’ebé kompletu ona, bele fó impaktu pozitivu ba ezekusaun orsamentu.

"Agora membru governu kompletu, espera katak ba oin bele eleva ezekusaun, bele aumenta nivél ezekusaun nian, duadesimál nian. Provavelmente iha nia orsamentu duadésimu sei to'o iha fulan Outubru, depois de aprova orsamentu 2020 nian mak hotu," dehan Taur iha Palasiu Prezidensial, Bairo-pite, Kinta (25/06).

PM Taur hatete, durante ne’e ho problema estrutura governu daualu ne’ebé la kompletu fó imfluensia mós ba ezekusaun ne’ebé kiik.

"Agora ne'e ita kontinua uza orsamentu duadesimál. Orsamentu duadesimál normalmente kada fulan iha tokon $100 resin. So que ita-nia situasaun moras, estadu emerjénsia, halo ita-nia kapasidade ezekusaun menus," dehan Xefe Governu ne’e.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.