Aniceto Lidera Plenaria Dahuluk, CNRT ho Aliadu “Falta”

Temopotimor (Dili)-Prezidente Parlamentu Nasionál Aniceto Guterres, iha Segunda (25/05), ohin, hahú lidera plenaria PN ba dahuluk. Bankada CNRT, PUDD, UDT/FM kumpre sira-nia desizaun hodi la marka prezensa iha plenaria ne’e.

Tuir observasaun jornalista www.tempotimor.com, plenaria dahuluk ne’ebé Aniceto lidera hahú iha tuku 10:00 Otl ne’ebé hetan partisipasaun husi deputadu sira husi bankada FRETILIN, PLP no KHUNTO. Enkuantu deputadu sira husi bankada CNRT ho nia aliadu la marka prezensa.

Prezidente PN hamutuk ho Vise Prezidente PN na’in rua, Maria Angelina Sarmento Lopes no Luis Roberto, la tuur iha meza PN ne’ebé rahun ona, maibé iha meza seluk ne’ebé parte tekniku Sekretariadu PN prepara ona antes.

Entretantu, ajenda ba plenaria dahuluk ne’ebé lidera husi Prezidente PN Aniceto mak destituisaun ba kargu sekretaria no vise sekretaria meza PN, eleisaun ba kargu sekretaria no vise sekretaria meza PN, no anunsia no baixa proposta lei nú 16/4, Lei Protesaun Sivil daruak, ba komisaun A ne’ebé trata asuntu Konstitusional no Justisa no Komisaun B ne’ebé trata asuntu Negosiu Estranjeiru, Defeza no Seguransa.

 

VIDEO PUBLISIDADE APELU HUSI PM TAUR APLAUS BA FRONT LINE

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.