Tempotimor (Dili)-Prezidente Parlamentu Nasionál (PPN) Arão Noé de Jesus da Costa Amaral liuhusi konferénsia imprensa ofesialmente deklara katak, bainhira governu daualu sei eziste, PPN Arão Noé sei la sai husi meza PPN, tanba Aliansa Mudansa ba Progresu (AMP) anteriór hari'i bainhira manan iha Eleisaun Antisipada (EA) 2018.

 

Tuir PPN Arão Noé de Jesus da Costa Amaral iha PPN nia kna'ar fatin ba jornalista sira, nia katak, bainhira governu daualu sei iha, meza PPN CNRT seidauk entrega ba partidu seluk.

 

"Hakarak hatete mós katak PPN no kompozisaun meza PN iha V legislatura dadauk ne’e, reflete existensia atuál VIII Governu Konstitusional, Tamba mai husi rezultadu elisaun antisipada 2018. Ho nune'e mak laiha rajaun atu distitui prezidente no meza PN se VIII governu sei mantein," dehan PPN Arão Noé iha salaun PPN nian bainhora hatán ba rekerimentu destituisaun ne'ebé bankada Fretilin-PLP no Khunto aprezenta, Segunda (11/05).

 

 

 

 

 

Prezidente PPN mós afirma, rekerimentu destituisaun ne'ebé bankada tolu aprezenta laiha fundamentu.

 

"Haree justifikasaun ne'ebé aprezenta husi deputadus rekerentes sira no analiza ba artigu 16-B no 2, ne'ebé hateten: Pedidu destituisaun devidamente justifikadu. Maka PPN haree ba jusnfikasaun ne'ebé hato’o mak rekerimentu ne’e Ia justifika didi'ak no klareza," dehan Prezidente PN

 

Xefe lejisladór ne'e mós subliña, tanba rekerimentu la justifika klaru mak PPN sei estuda.

 

 

 

"Tanba ne'e maka PPN sei análiza no estuda," dehan Arão Noé.

 

Antes ne'e iha konferensia de Imprensa iha sede Partidu CNRT iha Bairu dos Grillus, segundu vise prezidente partidu CNRT Virgilio Smith hateten, CNRT sai ona husi governu daualu, nune'e governu daualu hetan apoia husi deputadu na'in 13 de'it.