Arão Noe hato'o lia hirak ne'e liga ho preokupasaun pasiente rua ne'ebe konsege baixa tanba deskonfia hetan moras, oin halai, no muta hafoin konsumu ai-haan cesta bázika ne'ebé governu oferese liuhusi loja Leader, besik igreja Aimutin.
"Programa ne'ebé governu introdus ida ne'e hahú inísiu hamosu problema barak, kona-ba sasán dodok, manu-tolun aat, depois na'an dois, ikan dois, horisehik, iha ema na'in-rua ne'ebé ke simu hodi konsumu pois ataka sira muta, buat sira ne'e hotu no baixa to'o hospital," dehan nia iha Parlamentu Nasionál kuarta (13/1).
Nia preokupa programa cesta bázika ne'e halo ema moras iha Dili ne'e ema sei hatene maibé sira-ne'ebé hela foho, ema ida la akompaña, entaun problema saida mak mosu iha ne'ebá, ema la hatene.
Buat hirak ne'e, nia haktuir, iha horseik bankada CNRT mos levanta tiha ona ba governu atu-bele hadi'a sasán sira ne'e, nl bolu atensaun ba kompañia fahe hahaan ho kualidade, atu nune'e povu bele simu.
"Tanba osan estadu nian, entaun tenke hola sasán ne'ebé kualidade hodi fahe ba populasaun," dehan nia.
Kona-ba programa sesta bazika, nia haktuir, pozisaun CNRT iha inísiu kedas kontra ida ne'e tanba CNRT haree katak maneira ida fahe sasán cesta bázika ladún sufisiente.
"Ami hatene katak, se hahaan lokál, la sufisiénte para atu hola no fahe ba populasaun, mais de milaun 1,5 tanba ne'e mak presiza, se ita hakarak sosa ai-han lokál de'it hau fiar katak sei la to'o.
Tanba ne'e nia sujere momentu ne'eba, se governu saida entaun fo de'it osan b populasaun depois maka sira idak-idak buka atu hola sasán ne'ebé ke sira presiza.
Nia konsidera ida ne'e normalmente ita konsidera ne'e fo han fahi, mais agora lae kompaña sira lori fali fó ba populasaun
Iha fatin hanesan deputadu bankada KHUNTO, Deputadu Luís Roberto da Silva, husu governu atu monitoriz distribuisaun cesta bázika ne'e.
Nia mos apresia cesta bazika ne'e nu'udar planu di'ak no ninia implementasaun mós di'ak, maibé kontrolu ne'e mak ladún másimu.
Na husu governu bainhira fó fiar ba emprezáriu ruma, distribui ai-haan ba komunidade, governante tenke hakbesik-aan nafatin hodi halo kontrolu másimu, maibe labele fó fiar tiha emprezáriu no sira maka tun mesak ba iha terrenu hodi distribui, entaun posibilidade emprezáriu sira mós bele halimar buat ruma iha laran.
