Khunto: "Ami Kontinua Apoiu VIII Governu Tanba Ami Nian"

Deputadu husi Bankada KHUNTO, Luis Roberto ko'alia ba jornalista sira iha resintu Parlamentu Nasional (28/4) Deputadu husi Bankada KHUNTO, Luis Roberto ko'alia ba jornalista sira iha resintu Parlamentu Nasional (28/4) Foto Isac Oliviera

Tempotimor (Dili)-Tuir bankada Kmanek Haburas Unidade Nasionál Timor Oan (Khunto) deputadu Luis Roberto katak, bankada Khunto kontinua apoiu governu daualu ne'ebé lidera husi Primeiru Ministru (PM) Taur Matan Ruak tanba governu ne'e ami nian.

"Ha'u hakarak ko'alia ba ita boot sira no públiku katak, VIII governu ne'e ami nia partidu Khunto nia ema ne'e iha laran inklui ami nia prezidente partidu," dehan deputadu Khunto Luis Roberto iha PN, Tersa (28/04)

Nia akresenta, Khunto tenke apouu tanba governu ne'e Khunto nian mós.

"Ami tenke apoiu, ami nu'udar parlamentu ne'e ami tenke apoiu ka, nusa mak ami labele apoiu fali ami nia governu rasik, ami nia ema mak iha governu laran inklui ami nia prezidente partidu, nusa ami labele fó apoiu, se la fó apoiu ema dehan ami bukan fali ona," dehan Roberto

Boa salienta, governu PN mak hahoris, entaun ami tenke apoiu sira para servisu ho di'ak.

"Ami tenke fó apoiu para sira servisu ho di'ak, tanba PN mak hahoris ona governu entaun mak sira nia lian no ibun, entaun apoiu sira para ezekuta ho di'ak ka," nia dehan

Luis Roberto so'e lia ba membru koligasaun selun hodi dehan CNRT mós loloos apoiu tanba sira ema iha hotu governu laran.

"Tuir loloos ne'e partidu CNRT mós tenke apoiu mós, tanba CNRT nia ema mós iha VIII governu laran hotu. Tanba ne'e polítika atu ko'alia loloos ne'e sira mós fó apoiu ba VIII governu," nia tenik

Luis mós husu ba bankada seluk atu labele kondena Khunto, wainhira deside apoiu governu.

"Labele fó todan de'it mai ami Khunto bainhira ami apoiu governu, ami tenke apoiu tanba ami nia ema iha laran, ami tenke apoiu másimu," dehan deputadu ne'e.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks