Horta Husu Frente Armada Hakotu Impase

Xanana Gusmao ho Taur Matan Ruak ajuda Mahunu tun husi podium no akompana husi atual PR Francisco Guterres Lu Olo hafoin partisipa  iha seremonia desmobilizasaun Xanana Gusmao ho Taur Matan Ruak ajuda Mahunu tun husi podium no akompana husi atual PR Francisco Guterres Lu Olo hafoin partisipa iha seremonia desmobilizasaun foto File

Tempotimor (Dili) - Orgaun soberanu iha rai-laran kuaze dominante husi Frente Armada hanesan Prezidente Repúblika no Primeiru Ministru, inklui Xefe Estadu Maiór Jenerál FALINTIL-FDTL.


Nee duni, Eis-Prezidente Repúblika, aumezmu tempu mediadór diálogu entre partidu polítiku, José Ramos Horta hatete, dadaun ne'e Timor Leste lidera husi Frente Armada, nune'e husu atu sira tur hamutuk buka solusaun ba problema ne'ebé dadaun ne'e akontese.

Romos hatete, Prezidente Repúblika, Francisco Guterres Lú Olo mai husi Frente Armada, Primeiru Ministru, Taur Matan Ruak mos husi Frente Armada, inklui Xefi Estadu Maior Jeneral FALINTIL-FDTL, Major Jeneral Lere Anan Timur, Frente Armada, seluk mos maka Xanana Gusmão.

Tanba ne'e, lider Frente  Diplomátiku ne'e hatete, tempu ona atu Frente Armada sira tuur hamutuk rezolve impase, akumula mós husi Frente Diplomátiku hanesan Sekretariu Jerál Partidu FRETILIN, Mari Alkatiri no partidu politiku sira seluk.

"Sé mak kaer poder agora daudaun iha rai ne'e? Agora Frente Armada mak kaer. Entaun Frente Armada ne'e favór tuur ko'alia didiak ho Sekretariu Jerál Partidu FRETILIN no koalia mós ho partidu kiik sira," dehan Horta, iha nia knaar fatin Farol, Segunda (17/2).

Uluk kampaiña eleisaun antesipada ema balun dehan sira Frente Esterna lavale liu, maibe ba Horta, ne'e la'ós prekupasaun ida ba sira. (*)

Rate this item
(0 votes)
Last modified on Monday, 17 February 2020 17:10
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com