Loron Primeiru Diálogu: PR Hasoru CNRT, KHUNTO no UDT/FM

Eis Lider Rezistensia sira, hahu husi liman los, Kay rala Xanana Gusmao, Mau Huno, Taur Matan Ruak ho Atual PR Lu Olo iha seremonia desmobilizasaun FALINTIL iha tinan ruma kotuk Eis Lider Rezistensia sira, hahu husi liman los, Kay rala Xanana Gusmao, Mau Huno, Taur Matan Ruak ho Atual PR Lu Olo iha seremonia desmobilizasaun FALINTIL iha tinan ruma kotuk Foto Suplai

Tempotimor (Dili) - Bazeia ba promesa Prezidente Repúblika (PR), Francisco Guterres Lú Olo hodi estabiliza impase polítika iha rai laran maka sei halo diálogu ho partidu polítiku sira ne'ebé hetan asentu iha Parlamentu Nasionál (PN).


Ne'e duni, Xefe Estadu ajenda ona atu hahú diskusaun, iha Kinta (23/1).

Tuir ajenda diskusaun, loron dahuluk sei halo entre Prezidente Repúblika ho Partidu Congresso Nacional Reconstrução Timor-Leste (CNRT).

Nune'e, kontinua ho Partidu Klibur Haburas Unidade Nasionál Timor Oan (KHUNTO) no mos União Democratica Timorense (UDT) / Frente Mudansa (FM).

Antes nee, Prezidente Repúblika, Francisco Guterres Lú Olo, foti pozisaun hodi buka solusaun di'ak iha tempu badak nia laran.

Tanba ne'e, sei bolu orgaun hotu-hotu inklui partidu politiku sira atu buka solusaun ba prosesu governasaun tuir mai.

Xefe Estadu foti pozisaun ne'e  hafoin maioria deputadu Parlamentu Nasionál vota abstensaun no kontra Orsamentu Jerál Estadu (OJE) tinan fiskál 2020.

Nune'e, kontinua nafatun durasaun impase polítika iha Timor-Leste ne'ebé la'o ona dezde 2017 too agora.

Rate this item
(2 votes)
Last modified on Wednesday, 22 January 2020 17:36
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.