Paixão Apela Povu Tomak Mantein Hakmatek

Prezidente da Republika, Dr. Francisco Guterres Lu Olo kaer liman ho MDS Filomino Paixao, Komandante F-FDTL Major Jeneral F=FDTL, Lere Anan Timur, Komisariu PNTL, Faustino da Costa ho ninia Adjunto Lo,isariu PNTL, Mateus Fernandez Prezidente da Republika, Dr. Francisco Guterres Lu Olo kaer liman ho MDS Filomino Paixao, Komandante F-FDTL Major Jeneral F=FDTL, Lere Anan Timur, Komisariu PNTL, Faustino da Costa ho ninia Adjunto Lo,isariu PNTL, Mateus Fernandez Foto Midia PR

Tempotimor (Dili) - Hafoin Orsamentu Jerál Estadu (OJE) tinan fiskál 2020 la pasa iha ParlamentuNasionál (PN), mosu boatu atu mosu manifestasaun kontra polítiku sira.


Bazeia ba informasaun ne'e, Ministru Defeza no Seguransa, Filomeno Paixão, apela ba povu Timor-Leste tomak atu mantein hakmatek no labele monu ba manobra polítiku sira.

“Apelu ba povu Timor-Leste, forsa armada katak, iha ne’e komandu ida de’it no laiha komandu rua.  Ba F-FDTL no PNTL imi iha Komandante ida-idak, nune'e rona de’it desizaun husi imi nia komandante", tenik nia, iha Palásiu Prezidensiál, Bairru-Pité, Kuarta (22/1).

Nune'e, apelu ba povu tomak liuliu joven sira atu mantein atividade diária.

Nia dehan, agora ba oin, seguransa iha lurón no territóriu tomak sei reforsa liután. Tanba ne’e,  haree hakmatek, hala’o atividade hanesan baibain.

“Fó tempu ba ita nia na'i ulun sira hakbesik aan ba malu ko’alia ho Prezidente Repúblika atu ko’alia hamutuk buka solusuan ba problema ne'ebé iha.

Nia dehan, labele mai fali hodi haki'ak situasaun ne'ebé la di'ak, maibé ajuda atu hotu-hotu kria kondisaun konduzivu nune'e na'i ulun sira bele hetan solusaun.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.