Tanba, hafoin lansamentu governu promete kompaña sei hahú servisu fulan-janeiru tinan-2023, maibé fulan-janeiru besik atu remata tán ona, maibé laiha kompañia ruma deskola ekipamentu pezadu ba tereñu.

"Primeiru Ministru no Ministru Obras Públika halo tiha lansamentu, bainhira mak implementa estrada ida ne'e, ami hein bainhira mak kompañia implementa", dehan nia iha resintu administrasaun Baukau, Segunda (16/01).

Antes MOP mós promete katak, sei realiza enkontru ho Autoridade sira iha Postu Baguia inklui kompañia responsabilidade atu identifika fatin, hodi rai ekipamentu pezadu, maibé to'o ohin loron laiha rezultadu.

"Legalidade Laga-Baguia inklui Kelikai-Ossu, lansamentu tiha ona, mais to'o agora seidauk implementa ne'e, problema saida", nia husu. (*)