Login to your account

Username *
Password *
Remember Me

Sosiedade Sivil Organiza Dialogu iha Meligo Promove Fatin Rezistensia

Dialogu nasionál iha Foho Loelaco, Suku Meligo, Postu administrativu Cailaco, Munisípiu Bobonaru, kinta (22/09). Dialogu nasionál iha Foho Loelaco, Suku Meligo, Postu administrativu Cailaco, Munisípiu Bobonaru, kinta (22/09). Foto Suplay

Tempotimor (Bobonaru)-Sosiedade Sivil Organiza dialogu nasional iha Foho Loelaco, Suku Meligo, Postu administrativu Cailaco, Munisípiu Bobonaru hodi promove fatin Rezistensia sai sitiu Turizmo.

Diretór Ezekutivu Forum Organizasaun Naun Govermental Timor-Leste (FONGTIL), Valentin da Costa Pinto, agrdese ba VIII governu konstituisional ne'ebe mobiliza servisu entre Governu no Sosiedade sivil ho di’ak.

Dialogu ne'e, ho tema “hamutuk atu asegura partisipasaun ativu sidadaun hotu-hotu iha dezenvolvimentu nasional ne'ebe reziliente no inkluzivu sosiedade sivil”.

"Dialogu ne’e, la'os de’it atu ko’alia ho Governante sira, maibé ami mós iha intensaun hakarak promove fatin sira ne'ebe iha istoria pasadu liu-liu fatin sira ne'ebe ita konsidera hanesan fatin ba rezistensia ka ita nia grande komandante sira ne'ebe uza fatin ida ne’e hodi organiza funu sira iha Loelaku foho ida ne'ebe erois sira mai iha ne'e hodi halo funu liu-liu ba Komandante Konis Satana nian", dehan valentin iha ambitu dialogu, kinta (22/09).

Nia haktuir, tinan ida ne'e sira hili Foho Loelaco, tanba dialogu ne'e hanesan kontinuasaun halo iha foho Matebian área Waibitai, Munisípiu Baukau nia okos hanesan mós fatin istoriku.

Intensaun hili fatin ne'e atu promove fatin sira ne'ebe iha istroria di’ak hodi bele kontinua investe sai hanesan fatin sitiu Turizmu iha futuru.

"Ami iha deskobrementu ne'ebe tau ona hodi entrega mak Ministru Prezidensial Konsellu Ministru, Fidelis Leite Magalhães reprezenta Primeiru Ministru, Taur Matan Ruak, maibé objetivu prinsipal husi dialogu mak hakarak uza oportunidade hodi bele hato'o ami nia deskobrementu inklui rekomendasaun no solusaun alternativu sira ne'ebe ami alista hodi proposta ba governu atu bele orienta ba Ministériu relevante atu bele tau matan", nia afirma

Tanba, iha fulan oin sei tama iha diskusaun Orsamentu Jerál do Estadu, espera rekomendasaun sira ne'ebe Sosiedade sivil submete bele hetan konsiderasaun.

Rekomenda katak, Timor-Leste iha ameasa boot ida mai husi mudansa klimatika no nia investimentu sira ba setór sira ne'ebe konsidera produtivu la hetan espasu, tanba hetan investimentu ne'ebe natoon.

"Husu katak, liu-liu ba setór produtivu sira, tanba ita iha ameasas kona-ba reseitas, tenki halo diversifikasaun no kontinua investe osan atu bele asegura konsumu domestiku sira ne'ebe natoon liu-liu prepara ba situasaun sira ne'ebe kritiku hanesan kovid-19 limita ita nia movimentu sira", nia rekomenda

Tanba ne’e, presija investe maka'as iha setór ne'ebe konsidera produtivu hanesan Edukasaun, Saude, Turizmu atu hetan espasu sai hanesan alternativu ba rendimentu domestika.

"Investimentu sira dahuluk ami haree iha alokasaun OJE saida mak ami observa setór produtivu ne'ebe sai orgullu nia la hetan osan barak hanesan ita hatene setór Agrikultura 5% husi OJE ne'ebe ita iha espiritu hakarak promove produtu lokál sira tenke hetan númeru boot, se ita nia investimentu uitoan la bele eleva nia númeru produsaun atu responde ba espirítu ka konsertu kona-ba Cesta Bázika ne’e labele responde ho di’ak", nia dehan

Nune’e, Primeiru Ministru, Taur Matan Ruak totalmente apoiu programa ida ne'e no tenke kontinua, tanba governu konsidera katak, parseira ho sosiedade sivil ne’e importante.

Ministru Prezidensial Konsellu Ministru, Fidelis Leite Magalhães konsidera dialogu ne'e inisiativa importante ida ne'ebe halo husi gabinete apoiu sosiedade sivil, tanba atu bele fahe informasaun ba malu entre governu ho sosiedade sivil.

"Membru Governu iha area relevante sira bele responde kedas ba iha prekupasaun hirak ne'e no dialogu ne'e muda husi fatin ba fatin, tanba atu garante katak, iha fokus ba prekupasaun Munisípal nian no mós atu bele hasa'e no tau atensaun Governu sentral nian no prekupasaun husi membrus Komunidade lokál sira ne'ebe organiza dialogu ida ne'e", nia dehan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter