Login to your account

Username *
Password *
Remember Me

MTKI Prioritiza Setor Turizmu Diversifika Ekonomia Rai Laran

MTKI, José Lucas do Carmo da Silva ko’alia hela iha CCD. MTKI, José Lucas do Carmo da Silva ko’alia hela iha CCD. Foto Suplay

Tempotimor (Dili)-Ministru Turizmu Komérsiu no Indústria (MTKI), José Lucas do Carmo da Silva, hatete, governu da-ualu tau prioridade ba setor Turizmu atu bele diversifika ekonomia  rai-laran.

“Governu liu husi programa dezenvolvimentu ninian fó prioridade ba setor Turizmu atu oinsá bele halo deversifikasaun ba ekonomia rai laran nian”, haktuir nia iha komunikadu ne’ebé www.tempotimor.com asesu iha pájina espesial MTKI, kuarta (28/09).

Ministru hato’o lia hirak ne’e, hafoin halo enseramentu ba ba átividade Díli Cross Culture Festival ne’ebé hodi komemora loron Mundiál ba Turizmu iha Sentru Konvensaun Dili (CCD-sigla Portugues).

Turizmu seitor ida ne’ebé transversal ou multisetoral signifika partisipasaun husi parte hotu nian ba iha dezenvolvimentu Turizmu importante tebes.

Tanba, tinan hirak liuba Timor-Leste hasoru krizi global pandemia covid-19, ne’ebé afeta atividade Turizmu paradu, maibé dadaun tama fali ona ba iha situasaun normál no movimentu turista husi fatin ida ba fatin seluk komesa hahú fali ona.

“Tinan ida ne’e, ita selebra loron mundiál Turizmu nian iha dia 27 Setembru ho tema global “Rethinking Tourism/Hanoin Fila Fali Turizmu” tema ne’e atu fanu ita hodi hanoin no serbisu hamutuk oinsá dezenvolve Turizmu ida ne’ebé sustentabel, inkluzivu no rezilente”, nia dehan

Governante ne’e mós hatete, setor Turizmu, transversal tebes presiza hetan partisipasaun mai husi parte hotu nian kontribuisaun ba iha dezenvolvimentu Turizmu nian.

“Setor Turizmu importante tebes, ida nee ita hotu-hotu nia responsabelidade atu diversifika no haforsa atu dudu setor Turizmu nee ba oin”, nia esklaresse. (*)

 

 

Rate this item
(0 votes)
Last modified on Wednesday, 28 September 2022 11:18
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter