Login to your account

Username *
Password *
Remember Me

Horta Aproveita Vizita Komunidade Timoroan iha Darwin

Prezidente Repúblika Jose Ramos Horta foto hamutuk ho Timoroan sira iha Darwin-Australia. Prezidente Repúblika Jose Ramos Horta foto hamutuk ho Timoroan sira iha Darwin-Australia. Foto Suplay

Tempotimor (Dili)-Prezidente Repúblika (PR), José Ramos Horta, aproveita vizita Estadu nia ba Austrália, hodi hasoru malu ho komunidade Timoroan ne’ebé envolve iha Portuguese Timorese Social Club (PTSC) iha sidade Darwin-Austrália.

“La hakat liu de’it, para iha-ne’e (Darwin) halibur timoroan sira iha ne’e, Timoroan-Xina, Timoroan-Portugéz, mistura barak. Ne’e mak rikusoin Timór nian”, dehan PR Horta, liuhusi Komunikadu Imprensa ne'ebé fó sai husi Gabinete Prezidente Repúblika, tersa (06/09).

Durante vizita, Xefe Estadu husu ba timoroan sira, atu habelar lian ofisiál Portuguéz no Tetun, tuir konstituisaun RDTL artigu 13, hodi rekoñese mós Inglés no Indonézia hanesan lian ba serbisu.

Nune'e Xefe Estadu mós garante katak, vizita Estadu ne’ebé halo ba komunidade timoroan sira, sei hametin liután relasaun entre Timor-Leste no Austrália no explora liután, kooperasaun iha dezenvolvimentu ekonómiku, defeza no seguransa, edukasaun, mobilidade laborál no inisiativa rejionál.

Tanba Vizita Estadu nian ba Austrália ne'e bazeia ba konvite ne'ebé hato'o husi Governadór Jerál Austrália, Han David Hurley no hasoru malu ho entidade oioin iha Darwin, Camberra no Sydney.

Reprezentante komunidade timoroan iha Darwin, Henrique Yap hatete, sira-nia parte hakarak fila mai Timor, hodi halo negósiu no bele mós halo interasaun no ajuda malu.

“Ami hakarak filafali ba Timór para halo business (negósiu). Ita bele halo interasaun, ita bele ajuda malu. Timoroan mós mai serbisu iha Austrália barak. Kuandu ita iha interrasaun barak hanesan ne’e, Timór sei iha futuru ida di’ak”, esplika Henrique. (*)

Rate this item
(0 votes)
Last modified on Thursday, 08 September 2022 16:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter