“Governu husu para Ministériu relevante investigasaun ida-ne'e de'it, tanba Governu labele grava ema nia bisiness ne'e arbiru ne'e kuandu se laiha provas, mais Ministériu Justisa tau matan ba ida-ne'e”, dehan nia ba jornalista sira iha Palásiu Governu, kuarta (24/08).
Ba sidadaun na'in-hitu (7) ne'ebé mak sei iha Indonézia, ne'ebé oras ne'e dadaun International Organization for Migration ne'ebé atu fasilita sidadaun hirak ne'e atu fila mak Timor-Leste.
“IOM atu lori sira mai ona, IOM korelasaun ho Governu atu lori sira mai ona, IOM mak sei selu hotu mais osan ne'e uluk kontribuisaun Estadu nian ba hodi haruka filafali mai”, afirma nia.
Durante ne'e sidadaun sira ba servisu Estranjeiru ne'ebé agora hela iha Indonézia, embaixadór Timor-Leste ba Indonézia trata sira ho dignu.
“Mais sira iha ne'ebá embaixada haree sira fó hán ba sira lorolorn selu sira-nia hela fatin, hein de’it sira-nia prosedimentu hodi haruka sira mak tanba buat hothotu ita uza osan ne'e ita labele naran foti tun sa'e se laiha verba ne'e laiha buat ida”, deklara Ministra Adaljiza. (*)
