“Ohin prezidente Komisaun B ne'ebé trata asuntu seguransa konvida ha'u atu mai fó hanoin, halo apresiasaun no análiza ruma kona-ba situasaun ne'ebé akontese iha ita-nia país ne'e mak tráfiku Umanu”, dehan Vicente Fernandes hafoin audénsia ho Komisaun B iha Parlamentu Nasionál, kinta (30/06).
Tanba PSIK hanesan orgaun superior hala’o servisu foku liuba Polísia kriminal nian maibé mós iha tendénsia ba prevensuan inklui halo represivu ba krime sira ne'ebé mak iha liliu ba kazu tráfiku umanu ne'ebé mak agora sai ona hanesan preokupasaun ida ba Públiku.
Maibé durante audénsia ne'e PSIK mós lá sira kazu konkretu ruma, tanba ida-ne'e Segredu Justisa nian tuir Lei Tráfiku Umanu númeru 3/2017 loron 25 janeiru.
Tanba ne'e, PSIK fó ideia de'it atu oinsá iha futuru PSIK bele hamutuk nafatin ho Parlamentu Nasionál no instituisaun relevante sira seluk halo prevensaun inklui halo mós represivu ba kombate tráfiku umanu iha rai laran.
“Mais enrelasaun ho kazu konkretu ne'e ita labele publika iha jornal ka mídia Komunikasaun Sosiál tanba lei tráfiku umanu númeru 3/2017 ne'e proibiu labele fó sai kazu konkretu sira ne'e”, esplika nia. (*)