“Ohin loron situasaun ida agora mosu mak joven no profesór sira barak trata dokumentu ba rai-li'ur, ba ha’u ida-ne’e motivasaun di’ak ida hanesan dirijente kooperativa, no koperativista ita husu sira ba aprende buat foun ruma ita mós kria kondisaun nune’e sira fila mai bele reforsa ita hodi investe ba dezenvolvimentu”, dehan nia iha Salaun Katedral Vilaverde, kinta (30/06).

Tanba realidade joven barak ne’ebé trata dokumentu balun hatudu ona ezemplu di’ak mak emprezáriu Souro Coconut Oil ne’ebé mak durante ne’e hala'o serbisu iha Ingralaterra fila mai emprega Timoroan barak hodi servisu iha nia kompaña rasik.

“Ezemplu mak señór Arsenio ne’ebé mak servisu iha rai-li’ur fila mai nia investe iha mina nu’u no nia sai mós membru kooperativa”, afirma nia.

Nune’e iha parte kooperativa nia edukasaun no sensibilizasaun to'o iha povu nia leet hodi sira bele buka dalan ba servisu iha ema nia rain fila mai kontribui ba dezenvolvimentu liuhusi nia kreatividade rasik.

Tanba dadaun ne’e sidadaun barak iha Timor-Leste problema boot mak joven barak seidauk iha kreatividade. (*)