Login to your account

Username *
Password *
Remember Me

Horta ‘Haruka’ IJE Halo Intervensaun Urjénsia ba Estrada Kribas

Prezidente Institutu Jestaun Ekipamentu, Institutu Públiku (IJE.ip), Ermenegilda da Costa Laurentina. Prezidente Institutu Jestaun Ekipamentu, Institutu Públiku (IJE.ip), Ermenegilda da Costa Laurentina. Foto Tempo Timor

Tempotimor (Dili)-Prezidente Repúblika (PR), José Ramos Horta, haruka Institutu Jestaun Ekipamentu, Institutu Públiku (IJE.ip) atu normaliza problema estrada ligasaun Kribas ba aldeia Kamedar, Suku Bariké, Postu Administrativu Natarbora, Munisípiu Manatuto ne’ebé dadaun nia kondisaun gravé ona.

“Ohin, ami mai rona direta preokupasaun sira-ne’ebé mak ita-nia komunidade sira iha área remota liliu iha parte estrada nian ne’ebé ita-nia komunidade sira afeta iha tempu udan, inundasaun akontese tinan kotuk. Prezidente Repúblika relata hela informasaun estrada husi Kribas ba Kamedar ba parte IJE, ida ne’ebé tutela ba Ministéiru Obra Públika (MOP) oinsá atu haree”, dehan Prezidente IJE.ip, Ermenegilda da Costa Laurentina, hafoin audénsia ho PR Horta iha Palásiu Prezidensiál Nicolau Lobato, Bairropite, kuarta (15/06).

Tanba kondisaun estrada iha Kribas ne'e seidauk sai Xefe Estadu ne'e nia rasik ba vizita dala rua ona no haree katak kondisaun estrada ne'e presiza hetan intervensaun urjente husi IJE.

Ho ida ne'e, IJE rasik simu ona pedidu no sei orienta filafali ba Diretór no Xefe Departamentu IJE oinsá mak orienta enjíneiru sira atubele atende.

Maibé tenke koordena ho autoridade relevante atu foti dadus hafoin aprezenta hodi bele hatene iha fatin refere presiza mákina pezadu ho tipu saida de’it, depois nia durasaun servisu sei iha semana hira nia laran para destaka ekipa dezlokasaun.

Durante audénsia, Prezidente Repúblika agradese ba prezensa IJE nian no kontente loos tanba Xefe estadu nele husu ajuda direta ba IJE hodi bele tulun oinsá koopera servisu di’ak liután ba nesesidade povu nian iha tempu urjénsia. (*)

Rate this item
(1 Vote)
Last modified on Thursday, 16 June 2022 13:42
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter