Login to your account

Username *
Password *
Remember Me

Komisaun D Hein Konvensaun 144 no 190 Husi Governu

Prezidente Komisaun D, Antonino Bianco. Prezidente Komisaun D, Antonino Bianco. Foto Suplay

Tempotimor (Dili)-Komisaun D ne'ebé trata asuntu Finansas Públika, Ekonomia no Dezenvolvimentu lidera husi Prezidente, Deputadu Antoninho Bianco hatete, sira hein hela konvensaun 144, Konvensaun 190 nomós Esbosu Lei revizaun kódigu laboral husi Governu.

“Tuir sira-nia (Konfederasaun Sindikatu Timor-Leste-KSTL,) hanoin lori ona to’o ba Governu mais prontu agora seidauk haruka mai iha parlamentu tanba ne’e mak komisaun iha ne’e disponivel atu simu konvensaun rua ne’e nomós proposta Lei ne’e para atu aselera prosesu dentro rezimentu parlamentu ne'ebé iha. Ami hein katak sira bele tinan ida-ne’e nia laran karik esforsu másimu husi Ministériu kompetente bele lori prosesu nee ho Governu ami komisaun prontu atu halo diskusaun”, dehan Prezidente Komisaun D, Antonino Bianco iha Parlamentu Nasionál, kuarta (15/06).

Ba konvensaun 190 ne’ebé ko’alia kona-ba eleminasaun violénsia asedu iha mundu traballu, nomós konvensaun númeru 144 kona-ba konsultasaun tripartido.

Tanba ne’e, Governu halo rezolusaun ratifika ba parlamentu atu halo ratifikasun ba kondisaun sira ne’e, halo diskusaun hodi ko’alia malu atu entendimemtu oinsá mak prosesu ratifikasaun la’o.

“Ne’e mak ami Komisaun D husu para atravez sira konvense memberu Governu ne'ebe tutela asuntu ne’e SEPFOPE nomós Ministru Koordenadór Asuntu Ekonomiku nian bele aselera prosesu ne’e hodi ba iha konsellu Ministru e Konselu Ministru bele ratifika tiha mak hodi fali mai parlamentu atu kontinuasaun ratifikasaun iha Parlamentu ida-ne’e mak fó informasaun ami mós fó hanoin ba sira para oinsá aselera”, hatete Antonino.

Ho asuntu ne’ebé liga mós traballadór entaun ko’alia mós kona-ba asuntu proposta lei ne'ebe durante ne'e iha diskursu lei ida kona-ba revizaun kurirevelar.

“Entaun revizaun kurirevelar atu dehan de'it kona-ba saláriu mínimu sira entaun sira iha parte kompaña konselu traballu nian, konsellu nasionál arbitrazen nomós Kámara Komérsiu sira iha ona konsensu atu halo revizaun”, dehan nia.

Prosesu ne’e haruka ona ba membru Governu tutela depois konsellu Ministru seidauk aprova to’o agora.

 “Ami hein katak depois aselera hanusa mak ami Parlamentu komisaun D bele konklui oinsá prosesu sira ne’e, se mai proposta lei Governu entaun ami bele simu ona se dalan seluk entaun buka dalan oinsá esbozu ida bele uza hanesan projetu lei ruma karik ami bele aselera prosesu tenke iha atendimentu hamutuk para bele lori prosesu ne’e”, afirma nia.

Tanba ne'e mak ajenda úniku bele fó informasaun balun atubele entende prosesu la’o dadauk iha Ministériu sira hanesan SEPFOPE no Ministériu Asuntu Ekonomiku.

Prezidente Konfederasaun Sindikatu Timor-Leste (KSTL), Almerio Vilanova hatete, membru Konsellu Nasionál Traballu halo apontamentu ho Komisaun D Parlamentu Nasionál atu aprezenra konvensaun rua hanesan konvensaun 190 ne’ebé ko’alia kona-ba eleminasaun violénsia asedu iha mundu traballu, nomós konvensaun númeru 144 kona-ba konsultasaun tripartido.

“Konvensaun rua ne'e importanten tebes, tanba ita-nia situasaun ohin loron liliu iha mundu tomak ko’alia maka’as kona-ba halakon violénsia no asedu, liliu iha servisu fatin tanba ita hatene katak konvensaun internasionál sira seluk ne'ebé ita-nia Estadu Ratifika espesiafikamente iha servisu fatin ne'e seidauk iha”, dehan nia.

Tanba konvensaun 190 ne'e, importante ba estadu atu konsideda hodi elemina forma at sira ne'ebé bele hamosu violénsia no asedu iha mundu traballu.

Iha aprezentasaun husi Konsellu Nasionál Traballu deputadu sira konsidera nomós arbitrajen traballu ne'ebé hetan apoiu téknika husi espesialista International Labour Organization (ILO) ne'ebé introduz konvensaun rua ne'e,

Nune’e deputadu sira sei fó konsiderasaun ho seriadade atu aselera prosesu no ajuda ko'alia ho Governu atubele aselera ratifilasaun ba konvensaun ne'e, tanba normalmente liuhusi Konsellu Ministru mak bele hato’o proposta ba parlamentu hodi hetan ratifikasaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter