“Prezidente Repúblika husu embaixadór sira hala’o nia papel hodi atrai no lori investidór sira nomós ajuda Governu iha rekoperasaun ekonómika no diversifikasaun ekonómika”, dehan Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, hafoin audénsia ho PR Horta iha Palásiu Prezidensiál, Bairopite, tersa (31/05).

Tanba Prezidente Repúblika iha esperiénsia diplamata bele mós fahe ba diplomata sira oinsá atu hala'o papel embaixadór nian iha estranjeiru hodi promove nafatin Timor-Leste iha mundu no oinsá dada investór atu investe.

Durante audénsia embaixadór sira mós atualiza rezultadu servisu ba Prezidente Repúblika inklui mós simu orientasaun polítika externa atubele kontinua iha mandatu.

Dadauk diplomata timoroan na’in-28 ne’e iha ona Timor-Leste ne'ebé sei partisipa reuniaun koordenasaun ho MNEK. (*)