"Dekretu lei nú. 10/2005, 21 Novembru kona-ba Rejime Jurídiku Aprovizionamentu ne'ebé aprezenta husi Primeiru Ministru, mak alterasaun ne'e perute katak la'os obrigatóriu ona públika anúnsiu internasional sira iha jornal sira ne'ebé sírkulu iha rai laran", dehan Ministru Reforma Lejislativa Asuntu Parlamentar (MRLAP) Fidelis Manuel Leite Magalhães iha palásiu governu, Kuarta (09/10/19)
Alende ne'e anúnsiu internasional ne'ebé atu públika sei liuhusi plataforma eletrónika.
"Publikasaun ba anúnsiu sira halo liuhusi plataforma eletrónika internasional nomós ba jornal sira ne'ebé mak sírkulu iha rai laran," dehan Fidelis
Husi proposta ne'ebé aprezenta husi PM ne'e, Konsellu Ministru mós halo análiza ba proposta Dekretu lei ne'ebé aprezenta husi Ministru Justisa kona-ba rejime ne'ebé atu tama ba formasaun ba Majistradu Judisial sira.
"KM halo análiza mós proposta Dekretu lei ne'ebé Ministru Justisa Manuel Cárceres da Costa kona-ba estabelese rejime atu tama no formasaun ba kareira majistradu judisiál, Ministériu Públiku no Defensór Públiku sira," tenik MRLAP
Husi proposta ne'e atu regula nia natureza estrutura no funsionamentu ba sentru formasaun jurídika no judisiária, nune'e atu hallway liután analiza ne'e KM sei análiza liután iha reuniaun KM nian tuir mai.