Login to your account

Username *
Password *
Remember Me

Xanana Kontente Povu Atribui Konfiansa ba Horta

Prezidente Partidu Congresso Nasionál de Reconstrução de Timor (CNRT), Kay Rala Xanana Gusmão. Prezidente Partidu Congresso Nasionál de Reconstrução de Timor (CNRT), Kay Rala Xanana Gusmão. Foto Suplay

Tempotimor (Dili)-Prezidente Partidu Congresso Nasionál de Reconstrução de Timor (CNRT), Kay Rala Xanana Gusmão, sente kontente tebes haree povu hotu ezerse sira-nia direitu hodi atribui konfiansa ba kandidatu Prezeidente Repúblika (PR), José Ramos Horta, sai Prezidente Repúblika ba periódu 2022 to'o 2027.

“Atu dehan de'it ba ita-boot sira hotu dehan, ha'u sente la kontente, agora ha'u sente kontente ne'e tanba Ramos Horta manán, ha'u sente kontente tebtebes tanba povu ezerse nia direitu hodi fó konfiansa ba Ramos Horta, ida ne'e mak kontente los”, dehan Xanana iha Sede Kandidatu Horta iha Ai-mutin, kinta (21/04).

Maibé kontente la'ós tanba José Ramos Horta manán, maibé tanba povu bele ezerse ninia direitu atu hasai desizaun liuhusi eleisaun no povu deside José Ramos Horta mak sei Prezidente iha periódu.

Iha ne’e, agradese mós tebes ba povu tomak ne'ebé iha maturidade polítika, liliu ba joven sira, tanba baibain temi dehan katak joven sira mak sei sai futuru ba Timor ne'e, foin dadauk iha loron hira ne'e joven timoroan sira hatudu duni katak, sira hadomi rai ida ne'e, sira hadomi povu ida ne'e, la book malu, la sura ba malu.

“Ha'u sente kontente liután tanba durante eleisaun ne'e iha estabilidade no laiha violénsia”, katak nia.

Tanba ne’e, fiar Prezidente eleitu Horta ho esperiénsia no matenek, povu fiar katak bele kuriji, hadi’a, liuhusi mekanizmu ne'ebé sei trasa bainhira ko'alia ba povu iha tomada de pose.

“Ami fiar tebtebes, ita hotu fiar ho vitória ida ne'e, povu nia vitória, la'ós Ramos Horta nia vitória, povu mak manán, povu nia desizaun mak prevalese, hodi husu ba José Ramos Horta dehan katak hadi’a tiha estadu demokrátiku ne'ebé atu naksobu ne'e”, afirma Xanana.

Prezidente Repúblika (PR) Eleitu, José Ramos Horta mós agradese ba konfiansa ne'ebé povu fó hodi sai Prezidente Repúblika ba tinan lima mai. 

“Agradese ba partidu politiku no povu sira ne'ebé mak fó ona konfiansa ba ha'u, hodi sai eleitu ba Prezidente da Repúblika Timor-Leste ba periodu 2022-2027”, dehan Horta.

Ba apoiu husi Grupu Arte Marsiál, Arte Ritual, Movimentu, Asosiasaum, Profisionál Akademiku, Universitáriu, partidu CNRT, partidu politiku sira seluk no jovens sira, ferik no katuas sira-nia apoiu no komfiansa ba kandidatura.

“Agradese ba hothotu nia apoiu no konfiansa ba kandidatura ne'ebé ohin sai eleitu ba prezidente da repúblika. Agradese ba jovens sira, ferik no katuas sira, balun husi CNRT, balun husi partidu sira seluk, no balun husi movimentu sira, inisativa sira-nia rasik hodi tun ba aldeia suku no halo dor to dor, loroloron”, deklara nia.

Sekrétariu Jéral CNRT, Francisco Kalbuady Lay hamutuk ho Ekipa Susesu no Reprezentante espesiál aprezenta rezultadu apuramentu provizóriu husi kandidatu Prezidente Repúblika iha Munisípiu 12, RAEOA no Diáspora

“Nu'udar Sekrétariu Jéral Partido Congresso Nasional Rekonsiliasaun Timorense (CNRT) Hamutuk ho Ekipa Susesu no Reprezentante espesiál sira ne'ebé responsável ba rekolla dadus apuramentu hahú husi fiskál Munisípiu to’o Nasionál”, dehan Kalbuady iha Sede Nasionál Kandidatu Prezidenti José Ramos Horta, Ai-mutin, Dili, kinta (21/04).

Tanba totál votu husi Kandidatu José Ramos Horta husi Munisípiu Aileu votu 20.176, Ainaru 25.053, Baukau 23. 217, Bobonaru 35. 536, Covalima 25. 462, Dili 98. 795, Ermera 46. 371, Lautein 17. 027, Likisá 26. 994, Manatuto 20. 615, Manufahi 19. 453, no RAEOA 23. 832, Vikeké 13. 572.

Iha Diáspora Austrália-Melbourne 46 Votu, Sydney 60 no Darwin 78 Votu. Kórea Súl 33 Votu, Lisboa ho Portu 141 Votu, Inglaterra 326 Votu, Irlándia 258 Votu.

Ho nune'e, totál votu husi Munisípiu 12, RAEOA no diáspora hamutuk 397. 145 votu ho pursentu 62, 9. Dadus sira ne'e rekolla husi akta ne'ebé iha munisípiu 12, RAEOA no Diáspora.

Nune'e, Sekrétariu Jéral Partidu CNRT fó Parabens ba Kandidatu José Ramos Horta no Kandidatu Francisco Guterres ‘Lú Olo’, tanba kontribui ba festa demokrasia ne'e ho di'ak, hatudu ba mundu katak festa demokrasia la’o ho di’ak no hakmatek.

Ba ida ne’e, husu ba Koordenadór sira Munisípiu atu organiza milititante iha baze hodi halo missa agradesementu ba rezultadu apuramentu provizória. (*)

Rate this item
(0 votes)
Last modified on Thursday, 21 April 2022 14:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter