Login to your account

Username *
Password *
Remember Me

STAE Atende Hela Sidadaun Kartaun Eleitorál Tohar no Lakon

Dirétor Jerál Sekretáriadu Tékniku Administrasaun Estatal (STAE), Alcino Manuel Branco. Dirétor Jerál Sekretáriadu Tékniku Administrasaun Estatal (STAE), Alcino Manuel Branco. Foto Suplay

Tempotimor (Dili)-Sekretáriadu Tékniku Administrasaun Estatal (STAE) halo hela atendimentu ba sidadaun sira ne’ebé kartaun eleitorál lakon no tohar, maibé la halo rejistrasaun foun.

“Sekretáriadu Tékniku Administrasaun Estatal (STAE) sei lahalo rejistrasaun foun inklui muda hela fatin maibé sei halo atendementu ba eleitór ne'ebé kartaun lakon ka tohar to'o Tribunál Rekursu fó sai rezultadu votasaun nian”, informa Dirétor Jerál Sekretáriadu Tékniku Administrasaun Estatal (STAE), Alcino Manuel Branco, iha Salaun Laline-Larigutu CNE, Kolmera Dili, kinta (31/03).

Prosesu atendimentu ne’e sei hala’o iha munisípiu sira durante loron haat nia laran hodi fasilita eleitór sira ne’ebé kartaun toha ka lakon hafoin Tribunál Rekursu deklara rezultadu votasaun primeira volta.

“Atendementu hahú dia 30 Marsu to'o 02 Abril iha Munisípiu 12 no RAEOA lori imprime segundu-via. Tuir lei, Tribunál sei fó sai fiksu kona-ba númeru eleitór sira antes loron 30 ne'ebé mak tuir eleisaun iha primeira volta tantu segundu volta ne'ebé sei akontese iha 19 Abril 2022”, afirma nia.

Ba Sentru Votasaun sei kontinua funsiona iha munisípiu 12 no RAEOA inklui iha diáspora no sentru votasaun paralelu 3 iha Kapitál Dili sei funsiona ba eleitór 4.300 ne'ebé rejista ona no kontinua vota iha Dili.

"Nune'e, eleitór ne'ebé la rejistu obrigatóriu filafali ba ida-idak nia munisípiu maibé ba sira ne'ebé rejistu ona labele vota iha munisípiu maibé sei tuir votasaun iha Centru Votasaun Paralelu”, dehan nia.

Taxa Partisipasaun Eleitór iha Eleisaun Prezidensial Períodu 2022-2027, lorob 19 Abril kompara ho eleisaun tinan 2017 sa’e.

Diretór STAE mós esplika, buletin votu lamonu, tenke halo separasaun ba Materiál Sensitivu no Material Naun Sensitivu.

“Informasaun ne'ebé Públiku asesu liuhusi mídia sira katak ne'e, kaixa mamuk ne'ebé altura ne'eba transporta ba munisípiu sira liliu iha Munisípiu Bobonaru mak kaixa ida monu maibé asegura kedas husi motorista husi Sekretariadu Tékniku Administrasaun Estatal (STAE) ninian mak viral iha mídia sosiál maibé ne'e la'ós Buletin”, esklarese Acilino.

Buletin ne'e, konsidera Material Sensitivu ne'ebé hetan kontrolu másimu husi Komandu PNTL iha Munisípiu Sanulu-resin-tolu no diáspora ho seguru utiliza ona.

Ba Buletin Votu iha segundu volta sei laiha mudansa ba konteudu maibé iha diferésia medida buletin iha segundu volta kompara ho primeira volta.

“Medida Buletin Votu ba kandidatu na'in-rua de'it sei kontempla hamutuk sigla, emblema RDTL no STAE depois ninia kainotu iha ikus mak fotográfia, Númeru Sorteiu, Naran, Simbolu no Retangulu iha Votasaun. Entaun papeis ba buletin votu mak A4 ne'ebé kontempla elementu hotu entaun buletin votu ne'e sei ki’ik kompara ho buletin votu iha segunda volta nian”, esplika nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter