Maske la hetan kontaktu husi Kandidatu na’in-rua iha segunda voltra, maibé Felisberto apresia tebes ba Povu Timor-leste tamba fó ona konfiansa ba nia liuhusi votu hamutuk rihun 2.709, no husu atu apoiante sira vota ho konsiénsia iha eleisaun segunda volta.

“To'o ohin loron, ha'u la simu diretamente kontaktu ruma husi kandidatu prezidente rua seluk no tanba ne'e, ha'u la hatene sira-nia programa. Ho ida ne'e, ha'u labele deside atu apoia sé. Sr. Jose Ramos Horta, kandidatu ida ne'ebé intelijente no Sr. Francisco Guterres ‘Lú Olo’, mós Kandidatu Prezidente ne'ebé intelijente no gerilleiru ba tinan 24 no doútor iha lei ne'ebè hatene di'ak konstituisaun”, dehean Felisbeto iha Sede Kandidatu, Bidau Lesidere, sesta (01/04).

Tanba ne’e, husu ba apoiante sira atu hili kandidatu Prezidente Repúblika iha Períodu 2022-2027 tuir sira-nia konsiénsia iha eleisaun segunda volta.

“Ha'u apela ba ita-boot sira ne'ebé fó votu mai ha'u atu deside rasik hakarak vota ba sé tuir ita-boot sira-nia konsiénsia hili Kandidatu Prezidente Repúblika iha Períodu 2022-2027 tuir konsiénsia iha Eleisaun Prezidensiál iha dia 19 Abril”, dehan nia.

Iha ne’e apresia nafatin povu Timor-Leste no ba votante sira-ne'ebé mak vota mai ba nia kandidatura iha eleisaun prezidensiál loron 19 marsu 2022. Tanba Tribunál Supremu Timor-Leste anúnsia ona rezultadu eleisaun hetan votu hamutuk rihun 2.709.

“Ha'u nia apresiasaun ba ita-boot sira-nia votu no ha'u hatene katak ita-boot sira vota mai ha'u tamba ha'u-nia programa brillante no kapasidade”, afirma nia. (*)