Tanba ne’e, PM Taur aproveita serimónia tomada pose membru Governu foun na'in-2, hodi hato'o pedidu lisensa anuál ba Prezidente Repúblika (PR), Francisco Guterres ‘Lú Olo’, iha palásiu Prezidensiál, kinta (31/03).
“Enkontru ida ke aproveita de'it ohin serimónia Tomada pose membru Governu nian, hatete ba sua eselénsia Prezidente katak ha’u lisensa atu partisipa kampaña”, dehan Taur hafoin finaliza enkontru ho Lú Olo iha Palásiu Prezidensiál, Bairopite, kinta (31/03).
Ba lisensa anual ne'e, Primeiru Ministru, Taur Matan Ruak sei la hala'o nia servisu, iha loron 1 fulan-abril no sei tama filaflai iha loron 21 fulan-abril tinan 2022.
Durante iha enkontru ne'e, Taur ho Lú Olo halo diskusuan kona-ba lala'ok seguransa inklui partisipasaun sidadaun sira-nian iha prosesu eleisaun segundu volta nian.
Purtantu kona-ba loron paskoa ne'ebé mak sei monu iha fulan-abril nian laran, depende ba konsiésia husi kandidatu ida-idak nian, nu’udar kristaun katóliku, atubele respeitu oráriu ne'e.
“Tanba dehan kuandu muda ne'e labele, mais konserteza ke to'o dia 14-15 ne'e ema hothotu la'o, bem ha’u rasik mós ba akompaña mais iha loron ne'e ha’u sei deskansa”, afirma Taur. (*)
