Login to your account

Username *
Password *
Remember Me

Komisaun F Loke Forúm Diskusaun Nasionál Hapara Violénsia Kontra Feto

Membru Parlamentu Nasionál Komisaun F, Deputadu Noe da Silva Ximenes. Membru Parlamentu Nasionál Komisaun F, Deputadu Noe da Silva Ximenes. Foto Tempo Timor

Tempotimor (Dili)-Membru Parlamentu Nasionál komisaun F ho Prezidente Konsellu Diretora Rede Feto Timor-Leste, Reprezentante Uniaun Europeia loke forúm Nasionál ho tema "esperiénsia pasadu, orienta ita ba estratéjia Asaun inovativu ba hapara violénsia hasoru feto no labarik feto”.

"Parlamentu Nasionál apresia tebes ba komvite ne'ebé hato'o husi rede feto hodi bele mai loke forúm nasionál ida ne'e, komisaun F agrdese tebes ho ita-nia kontribuisaun hamutuk mak bele minimiza hapara violénsia domestika no violénsia hothotu ne'ebé kontra ita-nia inan feto sira no labarik feto sira”, dehan Membru Parlamentu Nasionál Komisaun F, Deputadu Noe da Silva Ximenes, iha Salaun kategrál, kuarta (23/03).

Tanba kontribuisaun ba mudansa hothotu oinsá bele hapara violénsia kontra feto hodi minimiza risku sira ne'ebé hasoru feto no labarik feto sira iha Timor-Leste.

"Iha tinan hirak liuba ita rona violénsia ho intensaun atu hapara violénsia sira ne'ebé akontese iha ita- nia rain, maibé dala barak violénsia ne'e akontese ba beibeik, risku ne'ebé ita-nia oan no joven sira hasoru ho situasaun sira grave tebes, Parlamentu Nasionál ba komisaun ida ne'ebé trata asuntu ne'e, ami tun ba terenu realidade violénsia ne'e barak mak akontese, maibé dala barak sira la brani mai hato'o iha públiku sira”,  hatete nia.

Maibé ho Limitasaun transporte Inan feto sira labele hato'o nia problema kona-ba violénsia hasoru sira, Parlamentu Nasionál ezije iha komisaun F, oinsá bele alarga ho komunikasaun ho informasaun ba sosiedade sira hotu.

"Violénsia sira ne'e akontese barak liu iha área rurál, ita ko'alia de'it iha nasionál no Munisípiu, situasaun ne'e barak liu akontese iha área remota sira, ne'e tuir fiskalizasaun ne'ebé PN hetan durante tinan hirak nia laran, liliu ba rede feto tanba iha limitasaun ne'ebé hasoru, barak liu hetan ameasa husi sira-nia família rasik entaun enkoraja nafatin rede feto, oinsá servisu hamutuk ho Estadu no Governu atu minimiza tiha violensia sira ne'e”, dehan nia.

Tanba iha artigu 16, Konstitusaun Repúblika demokrátika Timor-Leste hatene, diretu igualidade artigu 19, ema hotu diretu hanesan, tanba ne'e esforsu másimu oinsá bele reduz violénsia hasoru feto ne'e.

“Iha 2017 ita mós ratifika ona kondisaun barak, iha mós rezolusaun PN ne'ebé ko'alia kona-ba prevensaun hapara violénsia kontra ita-nia feto maluk sira, kada ves ita atu hapara maibé aumenta ba beibeik nune'e problema ne'e ita hotu tenke tau responsabilidade ba ita-nia an, mai ita hotu liuhusi forúm nasionál ida ne'e lolon liman hamutuk ho advokasi hapara violénsia hasoru feto sira”, haktenik nia.

Komisaun F, husu ba rede feto mantein servisu maka’as hodi koopera malu hodi reduz violénsia ne'e, nia mós informa ba konvidadus sira kona-ba Parlamentu Nasionál ba komisaun ne'ebé trata asuntu labarik no feto sira hodi minimiza risku feto sira.

Prezidente Konsellu Diretora Rede feto Timor-Leste, Maria Dominfas Fernandes hatene, loron importante ne’e iha diskusaun forúm nasionál hapara violénsia hasoru feto no labarik feto sira.

“Forúm ne'e kompostu husi membru rede feto organizasaun sosiedade sivil ne'ebé servisu iha prevensaun hapara violénsia hasoru feto no labarik feto, forúm ne'e realiza direta husi rede feto, atu hadi'a servisu dokumenta prátika sira, hasa'e visibilidae no apoiu husi organizasaun sira", dehan nia.

Iha forum ne'e husi membru referál husi Munisípiu haat (4), hanesan Bobonaru, Ermera Dili no Vikeké, envolve husi sosiedade sivíl internasionál no nível Munisípiu sira.

“Programa spotlight initiative rede feto hetan husi Uniaun Europeia no UN-women, ne’e mak hodi hala'o forúm nasionál ne'e, atu haree ba estratéjia ne'ebé adekuadu liu alinea ba Estratéjia luta kontra violénsia hasoru feto no labarik feto”, afirma nia. (*)

Rate this item
(0 votes)
Last modified on Wednesday, 23 March 2022 14:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter