Tempotimor (Díli)-Observadór husi Organizasaun Internasionál G7+, Larry Fangawa husu órgaun eleitorál atu hadi'a atendimentu iha sentru votasaun paralelu nune'e bele akumula eleitór barak hodi partisipa iha Eleisaun Prezidensiál.

“Tuir mai ita mós iha ona sentru votasaun Paralelu ami husu atubele hadi’a sistema ne'e iha futuru atu nune'e asegura katak ita bele akomoda votante barak liután”, dehan Leone, Lerry Fangawa liuhusi konferénsia Imprensa iha sede G7+, Palasiu Governu, kuarta (23/03).

Observadór internasionál G7+ durante ne'e hakarak mós observa eleisaun prezidensiál nune'e, nia parte nota iha sentru votasaun paralelu mosu dezintendimentu tanba eleitór barak labele vota.

Kestaun seluk mak presiza haforsa edukasaun eleitorál nomós votante sira liliu ba sira ne'ebé mak foin premeira vez atu vota tanba dalaruma sira mós koñesimentu kona-ba ida ne’e.

“Ami sujere reduz númeru ne’e para asegura hodi fó asisténsia ne'ebé di’ak liután atubele permite tempu atu kontajen bele la'o ho di'ak”, dehan nia.

Bainhira akontese Eleisaun Prezidensiál segundu volta mak tenke hadi'a sistema atendimentu nune'e bele akumula ema barak. (*)