“Ami sente katak aban bainrua iha Prezidente Komisaun E foun sei iha relasaun servisu di'ak liután ho Ministériu Obras Públika (MOP). Tanba Ministru Obras Públika agora ne'e, antes nia ba Ministru, nia iha Prezidente Komisaun nia hatene muito bem, nenesidade ita-nia povu nian”, dehan nia iha PN, kuarta (23/03).

Iha ne'e, Komisaun E hato'o apresiasaun no louva ho pozisaun no konfiansa ne'ebe mk eis Prezidente Komisaun E, Abel Pires da Silva hetan husi Governu hodi asume kargu nu’udar ministru Obras Públika (MOP) oinsá mak bele rezolve kestaun balun ba povu nia moris.

Tanba, Eis Prezidente Komisaun E hamutuk ho membru komisaun E sempre la'o halo fiskalizasaun hatene didi’ak nesesidade povu nian iha baze, liliu kona-ba infraestrutura báziku, estrada rurál sira, bee-moos no eleitrisidade, tanba ne'e mak nesesidade ida ne'ebé povu halerik lorloron.

“Deputadu sira mós iha Parlamentu Nasionál, segunda-tersa, sempre aprezenta iha plenáriu, ne'ebé ke nesesidade báziku ita-nia povu nian. Ne'ebé ha'u hanoin ami sei iha kolaborasaun servisu di'ak liután, sé iha Prezidente Komisaun foun ho membru sira hothotu, e kolaborasaun servisu ida ke di'ak para maizu menus iha tinan ida ho balun, bele iha rezultadu balun ona atu rezolve problema ne'ebé ita-nia povu sira kestiona”, hatete nia.

Vise Prezidente Komisaun E, Fabião mós fó ezemplu kona-ba problema rai monu iha Munisípiu Aileu, atu atende imediata, koordena kedan ho tékniku Instututu Jestaun no Ekipamentu (IJE) ba rezolve kedan mak Komisaun E hakarak. (*)