Enkuantu votu abandonadu 17 ho pursentu 0,02 votu nulu 2,035 ho pursentu 2,86, votu branku 595 ho pursentu 0,84, votu reklamadu 93 ho pursentu 0,13, votu rejeitadu 4 ho pursentu 0,01 no totál votu validu hamutuk 68,393 ho pursentu 96,14.

"Hanesan orgaun eleitóral, sira tenke hala'o edukasaun sivika ne'ebé mak ho masimu tebes ba ita nia komunidade iha nasionál, munísipiu, postu, suku no mós área rural sira," dehan Joanita iha kna'ar fatin uatulete baukau, segunda (21/03).

Nia dehan, ko'alia kona-ba direitu umanu sidadaun hotu iha direitu hatene ba informasaun ne'ebé orgaun eleitóral sira halo liuhusi edukasaun sivika oinsá atu tuir regras votasaun.

Tanba, durante votasaun iha loron 19 fulan-marsu tinan-2022, PDHJ halo observasaun nota, iha komunidade balun la tuir orariu votasaun, tanba to'o iha sentru votasaun liu tuku 3:00, entaun la konsege vota.

"Ita bele dehan menus informasaun, balun mós hatene hela, maibé ho distánsia sira tenke la'o to'o iha ne'eba (sentru votasaun) labele ona, entaun husi sosializasaun ne'e ita transmite nafatin ba komunidade sira ho meius ne'ebé iha atu bele ezerse sira nia direitu siviku ne'e tuir oras ne'ebé mak iha tiha ona," nia akresenta

Nune'e, Diretór Sekretáriadu Tékniku Administrasaun Eleitórál (STAE) Munísipiu Baukau, Lucio Salvador Freitas, hatete, tuir lei resensiamentu eleitóral uniku obrigatóriu no edukasuan votante devér ida husi STAE hala'o edukasaun sivika.

Tanba, edukasaun sivika kada époka eleisaun STAE hamutuk ho komisaun Nasionál Eleisaun (CNE-sigla portugés) sempre realiza, maibé nafatin mosu votus nulu.

"Ne'e signifika la'os preparasaun mak lamasimu, maibé dala ruma ema nia vontade tuir votasaun mak la duun iha konsiensia di'ak, tanba ita hanorin tuun iha ne'e, ita nia edukasaun sivika ne'e ba tun to'o aldeia, hanorin inan aman sira, mais mai fali iha ne'e votu nulu sa'e aas hanesan ne'e ita labele hatene," nia akresenta

Votu nulu husi Munísipiu sei lori ba apuramentu nasionál hodi foti dezisaun.

Taxa partisipasaun iha eleisaun Prezidénsial tinan-2022 iha Munísipiu Baukau masimu, tanba liu husi pursentu 50.

"Entaun nia iha 74, 35 pursentu, signifika nia liu tiha estenga totál votantes 96.207, ema mai vota ne'e 74,35 signifika progresu ida ke di'ak," nia hatete

Entertantu tuir dadus totál eleitóres iha Munísipiu Baukau, ne'ebé STAE rejistradu atu tuir votasaun hamutuk 96.207, vota iha sentru votasaun hamutuk-533 no totál votante hamutuk 95.674.

Maibé, partisipa iha votasaun hamutuk 71,137 ho taxa partisipasaun pursentu 74,35 kompostu husi mane na'in-36,211 no feto na'in-34,926. (*)