“Tinan ida ne'e, ita promove feto 40% iha Governu ne'ebé hala'o kna’ar iha projetu área rurál, barak liu hala'o servisu iha instituisaun Governu, nia mós husu ba diretór jerál no diretór nasionál sira, ha'u hakarak ita tau duni orsamentu, ba atividade feto nia iha 30%”, dehan Diretór Jerál, Janúario Patricio Barbosa, iha Hotel City 8, Has-laran, Manleuana, kinta (10/03).
Tanba ne'e, husu Governu hodi tau osan ba atividade promove feto Sira nia papél importante ne'ebé hatete ona iha deklarasaun Maubessi II oinsá atau fortifika feto nia papél.
“Atividade ida ne’e husu ita sira-nia pasivu iha ita-nia workshop ida ne'e, hodi ba habelar iha ita-nia instituisaun no iha sosiedade nia leet”, haktenik nia
Tanba semináriu ho tema orsamentu sensivél ba jéneru, hodi komemora loron internasionál feto, kona-ba igualidade jéneru ne'ebé hetan ohin loron sustentável.
“Objetivu prinsipál ne'ebé ita sita tolu iha ne'ebá, oinsá hasa'e kapasidade no abordajen ne'ebé interligadu jéneru ninian iha ita-nia instituisaun, liliu ba orsamentu ne'ebé iha, ita reforma polítika abordajen interligadu ho jéneru nian, iha Ministru Obras Públika nian hodi asegura orsamentu ne'e, oinsá asegura implementasaun deklarasaun Maubessi II iha MOP”, esplika nia.
Tanba Governu ne’e valoriza feto iha Ministériu hothotu balun hetan kargu xefe, nune’e mós iha Ministériu Obras Públika, feto mak barak liu, sai diretór nasionál, xefe departamentu. ( *)