Login to your account

Username *
Password *
Remember Me

Ministru Tolu Aprezenta Planu Mestre Investimentu Setór Rua ba PM Taur

Ministru Obras Públika (MOP), Salvador dos Reis Pires. Ministru Obras Públika (MOP), Salvador dos Reis Pires. Foto Suplay

Tempotimor (Díli)-Ministru Obras Públika (MOP), Salvador dos Reis Pires, hamutuk ho Ministru Ensinu Superior Siénsia no Kultura (MESSK), Longuinhos dos Santos no Ministra Saúde (MS), Odete Maria Freitas Belo, aprezenta planu mestre investimentu infraestrutura iha setór Saúde no edukasaun ba Primeiru Ministru (PM), Taur Matan Ruak.

“Objetivu husi aprezentasaun ne'e tanba eselénsia Primeiru Ministru ko'alia ho ita-nia parseiru dezenvolvimentu atu haree oinsá planu ne'ebé mak ita konklui ona servisu ho Ministériu relevante sira hanesan dono do projetu, atubele diskute kona-ba finansamentu, ka realizasaun husi projetu sira ne'e fazeadamente ita sei haree katak planu mestre ba sidade universitáriu”, dehan Ministru Salvador dos Reis Pires ba jornalista sira iha Rezidénsia ofisiál Faról, kinta (10/03).

Tanba Primeiru Ministru ho Ministru Ensinu Superior lansa tiha ona e dadaun ne'e halo hela faze dezeñu detalladu ba fakuldade haat ne'ebé sei konklui iha Jullu 2022 dadauk ne'e hahú diskusaun ho parseiru oinsá atu dudu investimentu ne'e ba oin.

Ba investimentu iha setór rua ne'ebé aprezenta ba PM Taur mak hanesan, sidade universitáriu Ospitál Nasionál Guidu Valadares, ho dezenvolvimentu ospitál Lahane, nomós abitasaun no rebitalizasaun ba Bairu ida iha Aitarak laran.

“Alende de ida ne'e ba setór saúde projetu rua hanesan ohin ha'u temi, planu mestre ba Guidu Valadares ne'ebé mak planu mestre konklui tiha ona iha Edifísiu pediatric ne'ebé mak agora dadaun ne'e preparadu halo ba Investimentu, e alende ida ne'e husi planu mestre ne'e rasik ita aprezenta kustu estimativa ba Investimentu ne'ebé fazeadamente, no seluk tan mak Hospital Lahane Antonio de Carvalho”, esplika nia.

Ba Hospital Lahane Antonio de Carvalho ne'ebé ho kustu purvolta miliaun $58 ne'ebé nia dezeñu preparadu BoQ (bill of Quantity) iha hotu ona, ne'ebé hein de'it atu aprezenta ba parseiru sira atu perkore fundu ida para halo investimentu.

Ho ida ne’e, Primeiru Ministru husu ba ekipa tékniku sira atu hahú ona projetu sira hodi bele aselera finaliza obras sira ne'e iha tempu badak.

“Señór Primeiru Ministru nia orientasaun katak komesa ona hahú aban projetu aprezentasaun ba ita-nia parseiru balun hahú Embaixada Austrália sira-nia ekipa tékniku iha Ministériu Obras Públika hamutuk ho ekipa tékniku sira husi Ministériu Ensinu Superior nomós Ministériu Saúde ida ne'e etapa ida primeiru”, dehan nia. (*)

Rate this item
(0 votes)
Last modified on Friday, 11 March 2022 13:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter