Nune’e, iha loron tersa (08/03) iha enkontru estraordinária entre orgaun eleitorál, no reprezentante Kandidatu Prezidente Repúblika (PR) oinsá atu realiza eleisaun prezidensiál iha Austrália.
Tanba tuir karta deliberasun CNE 05/III/2022, kuarta, 2 Marsu 2022, kona-ba apresiasun prosesu estabelesimentu sentru votasaun iha diaspora Austrália la realiza eleisaun.
“Ita hotu hein de'it desizaun husi Tribunál Rekursu, se Tribunál Rekursu dehan realiza iha Austrália ita simu, maibé se dehan la realiza mós ita simu hodi tuir de'it desizaun no tur hakmatek”, dehan Prezidente CNE, José Belo, iha edifísiu CNE, Kolmera, tersa (08/03).
Diretór Jerál Sekretáriadu Tékniku Administrasaun Eleitorál (STAE), Acilino Manuel Branco hatete, eleisuan iha Austrália sei hein desizaun husi Tribunál Rekursu, maibé STAE nafatin esforsu hodi halo preparasaun ba eleisaun prezidensiál 2022.
“Ita hothotu hein desizaun husi tribunál rekursu, maibé ami tékniku nafatin halo preparasaun hodi realiza eleisaun prezidensiál 2022 iha Austrália, no iha loron 14 marsu, ekipa tékniku tenke transporta ona matérial ba Austrália”, informa nia. (*)