“Ami mós mai briefing ho Primeiru Ministru kona-ba akordu ne'ebé halo entre Governu Timor-Leste ho g7+ e señór Primeiru Ministru konkorda tebes e nia rasik iha Kompromissu atu kontinua suporta g7+ tanba investimentu ne'ebé G7+ halo iha nível Globál hamorin imajen Timor-Leste nia naran, e Primeiru Ministru iha Kompromissu atu suporta g7+”, dehan nia iha Rezidénsia Faról, segunda (28/02).
G7+ nu'udar organizasaun intergovernmenal kompostu husi nasaun 20 ne'ebé hetan ona observasaun permanente iha Nova Iorke nomós iha Comundade dos Países da Língua Portuguesa (CPLP) no bele halo konsertasaun polítika Diplomatiku.
Alende iha assuntu seluk ne'ebé mak Sekretáriu Jerál halo enkontru ho Primeiru Ministru mak atu estabelese rede Parlamentár g7+ iha nível lejislativu sei Kooperativa ho ezekutivu hodi fahe esperiénsia iha nível nasaun frazil sira.
“Ami mós briefing kona-ba ita-nia Parlamentu Nasionál emite ona rezolusaun ida atu ne'ebé publika iha jornál Repúblika kona-ba atu estabelese forsa tarefa atu estabelese rede parlamentár g7+ nian ne'e iha nível lejslativu ne'ebé serbisu hamutuk ho ezekutivu ita fahe ita-nia esperiénsia kona-ba paz rekonsiliasaun jestaun rekursu naturál kona-ba Eleisaun ho paíz frazil sira seluk”, afirma nia. (*)
