Tempotimor (Dili) Laiha ema ida mak duvida ba kapasidade diplomasia Timor-oan ida, José Ramos Horta. Mundu rekoñese ona, la’os de’it ohin loron, maibé mós durante tempu rezistensia. Hanesan Enviado Especial Lider Maximu CNRM, Horta ho ninia abilidade konsege hetan apoiu husi nasaun lubuk ida ba luta libertasaun Timor Leste nian.

Nobel da Pas ne’ebé Horta hetan iha 1996, hamutuk ho Amu Bispu Don Carlos Filipe Ximenes Belo, sai prova real ida ba rekoñesimentu mundu nian, la’os de’it ba kontestu Timor-oan ninia luta, maibé mós ba kapasidade no intelektual Ramos Horta nian nu’udar individu. Prova seluk ne’ebé hatudu mós mak iha tempu ukun an, Horta hetan konfiasan husi Organizasaun Nasaun Unidus (ONU) hodi kaer serbisu importante ba pas iha mundu.

Ho esperensia lubuk ida ne’ebé nia iha, Ramos Horta mós fó ninia hanoin kona-ba diplomasia Timor Leste ohin loron nian ho nasaun sira seluk hanesan Australia, Amerika, Indonezia no Xina.

Ba diplomasia ho Australia, Horta fó ideia atu estadu Timor Leste haklean liu tan relasaun ho Australia, tanba bainhira iha ona desizaun ba liña mediu tasi nian Timor Leste sei iha responsabilidade boot ida, liu-liu oinsa atu kontra atividade ilegal sira iha tasi klaran.

“Ita iha meius ka lae par pur-ezemplu halo atividade iha ne’ebá kontra pirataria, kontra peska ilegal, buat sira ne’e ita laiha meius,” dehan Ramos Horta.

Relasaun Timor Leste ho Australia, tuir Horta, tenke relasaun estratéjiku no tenke kompletu.

“Australia tau osan iha ne’e par ajuda ita no banku Australia mai loke iha ne’e, devia Australia (fó) visa free ba Timor-oan ba-mai, bele, ha’u hanoin ita-nia populasaun la boot, sira loke odamatan visa free ne’e la’os atu halo invazaun ba Australia”, dehan nia.

Tuir mai deklarasaun kompletu José Ramos Horta (JRH) bainhira dada-lia ho jornalista Tempo Timor (JTT), foin lalais.

JTT: Oinsa Señor Dr. RTA HOnia haree ba relasaun dIplomatika Timor Leste ho Austtralia iha area ekonomia, politika, sosial, defeza-seguransa, no sosio-kultural?

JHR: Há’u hanoin, ha’u nia fiar, tanba ita-nia hela fatin mak iha ne’e, Sudeste Aziatiku, viziñu boot ida mak Australia. Ita fahe tasi Timor, sorin ba ita, sorin ba sira, tuir liña mediana ne’ebé maun boot Xanana ho kbiit, ho vizaun, konsege ba ita.

Mais ne’e mós signifika responsabilidade boot ba ita. Ita iha soberania, iha liña mediana, ita iha meius ka lae par pur-ezemlplu halo atividade iha ne’ebá kontra pirataria, kontra peska ilegal, buat sira ne’e ita laiha meius. Ita hakarak sosa meius sei gasta osan lubuk ida, ita la konsege, tanba sa? ita hotu hotu hatene, ita iha ro-ahi ne’ebé ita sosa husi Xina, Sanghai-class ne’e, kuandu governu AMP sosa Sanghai-class argumentu, razaun mak atu ba halo patrollamentu iha Kosta Sul, maibé sosa arbiru, la haree estudu halo didi’ak. Ro-ahi to’o tiha gasta $30 molioens depois mak haree afinal ro-ahi ne’e la kualifikadu par ba Kosta Sul, la augenta ondas tasi iha Kosta Sul. Ida tan laiha kapasidade manutensaun.

Uluk nu’udar Prezidente (Repúblika) há’u hatete, ita-nia kapasiadde manutensaun ida be laiha, atu halo manutensaun ba Nakroma tenke ba Surabaya, to’o agora tinan 10 resin ona, tekniku, pilotu, enjiñeiru, ema boboot iha Nakroma ne’e mesak Indonezia de’it, ne’e failansu boot ida.

Korea fó ro-ahi tolu ba ita atu patrulla, ro-ahi tolu ne’e iha ne’ebé?, la funsiona nein ida, tanba laiha manutensaun. Entaun ita oinsa mak bele ba halo patrullamentu iha Kosta Sul?, tanba halo patrulla o tenke iha ro-ahi no serbisu manutensaun lojistika ne’e tenke profesional 100%, signifika ne’e gasta osan lubuk ida.

Entaun, ha’u hanoin di’ak liu ba Timor ita laiha ona problema ruma ho Australlia, problema ne’e rezolve tiha ona, ita haree ke povu Autralia simpatia duni ho Timor, ita tenke buka. Há’u-nia fiar ita halo akordu estratejiku ho Australia, ke mete seguransa tama, seguransa marítima, seguransa terreste, seguransa ba kontra trafiku de droga, money loundri, buat sira ne’e hotu.

Relasaun Timor Leste ho Australia tenke relasaun estratéjiku, tenke kompletu. Australia tau osan iha ne’e par ajuda ita no banku Australia mai loke iha ne’e. Devia Australia visa free ba Timor-oan ba-mai, bele, ha’u hanoin ita populasaun la boot, sira loke odamatan, visa free ne’e la’os atu halo invazaun ba Australia.

Ha’u hanoin ita populasaun uitoan, hanesan Portugal ita-nia relasun di’ak tebtebes. Timor-oan lubuk ida hetan passaporte português. Timor-oan hira mak iha Portugal? kuaze 2.000 hanesan ne’e. Portantu, Inglatera barak liu, mais sira lori pasporte português, sira simu passaporte portugues sira ba.

Portantu, visa free ne’e la signifika negativa ba Australia, permite ema ba serbisu iha ne’ebá, karik la fó visa free aumenta gueast worker par ema ba serbisu iha ne’ebá. Guest worker ne’e di’ak par sira aprende no manan kultura foun ida, ko’alia inglês, onsan ne’e hametin Timor Leste no Australia.

Portantu, ita-nia primeiru ministru, prezidente repúblika, ministru negosiu estranjeiru, ita hotu-hotu tenke haree hetan konsesu hametin no hakle’an relasaun ho Australia. Prioridade ba área hotu-hotu hanesan defeza-seguransa, komersiu, edukasaun, saúde, teknolojia ho Australia no Australia loke odamatan ba ita bele ba Amerika, Europeia, Japaun, se ita relasaun metin ho Australia, 100% metin ho Australia, sira halo buat hotu-hotu, halo ba sira, halo ba ita, tanba sira-nia interesse.

Tempotimor (Dili) - Timor-Leste no Repúblika Indonezia seidauk kompleta solusiona fronteira tetrestre no seida'uk iha fronteira marítima definitivu. Nune'e atu solusiona ida ne'e Governu Timor Leste entrega responsabilidade tomak ba Xefe Negosiador Kay Rala Xanana Gusmão.

Tempotimor (Dili) - Xefe Estadu Maior Jeneral F-FDTL, Majór Jeneral Lere Anan Timur, la sente iha ameasa husi kilat ne'ebé agora tama ona Timor.

Tempotimor (Dili) - Iha Tersa (11/06) kalan, ema dezkoñesidu ta’a kanek ajente polisia Inacio dos Santos iha eskola 30 Agostu nia oin. Ba kazu ne’e, Ministru Defeza no Seguransa Filomeno Paixão husu ba ajente polisia hotu-hotu atu hahú hanoin tanba sa polisia mak sai alvu.

Tempotimor (Dili) - Eis Prezidente Repúblika José Ramos Horta husu ba membru governu no deputadu Timor Leste sira atu labele tabele demais iha Indonezia hodi ba gasta osan iha ne’ebá.

Tempotimor (Dili) - Xefi Estadu Maior FALINTIL-Forsa Defeza Timor Leste (F-FDTL), Majór Jeneral Lere Anan Timur sei haruka lista veteranu loloos kuaze 200-resin ba Primeiru Ministru Taur Matan Ruak. Naran hirak ne'e la hanesan ho lista husi Komisaun Omenajen nian. 

Tempotimor (Dili) - Primeiru Ministru Taur Matan Ruak admira ho insiativa husi veteranu ida ne’ebé serbisu hamutuk ho kompaña husi Xina harii fabrika maek dahuluk iha Timor Leste. Taur sente orgullu tanba maek ne’ebé uluk ema balun despreza, ohin loron bele sai osan mean.

Tempotimor (Dili) - On March 27, 2019, the Cabinet of the Secretary of State for Equality and Inclusion (SEII) submitted a letter of request to the Civil Servant Commission to dismiss the head of the department for Communication and Media at the SEII. 

Tempotimor (Dili) - Sekretáriu Estadu Veteranu, Gil da Costa 'Oan Soru', relata atividade Ministériu ba Asuntu Kombatente Libertasaun Nasional nian ba Prezidente Repúblika, relasiona ho estabelesimentu Konsellu Veteranu.

"Ministrériu ba Asuntu Kombatente Libertasaun Nasionál nia atividade maka komisaun instaladora ba estabelesimentu Konsellu Kombatente Libertasaun Nasionál", Seketáriu Estadu Gil da Costa 'Oan Soru', iha Palásiu Prezidensiál Bairru-Pité, Tersa (11/6).

Iha soru-mutu ne'e konsege klarifika ona objetivu verifikasaun ba dadus sira inklui lalaok Komisaun Instaladora para estabele Konsellu Kombatente Libertasaun Nasionál ninia lalaok ne'ebé Prezidente Repúblika inteira hotu situasaun ne'e.

Komisaun instaladora forma ona komisaun organizadora iha munisipiu hotu, entaun iha fulan Jullu hahú ona ho konferensia munisipal nian.

"Kona-ba kongresu ba Konsellu Veteranu Libertasaun Nasionál nian sei hahú iha loron 1 to'o 3 Marsu 2020", dehan Oan Soru.

Tempotimor (Dili) - Sekretáriu Estadu Veteranu hamutuk ho Komisau  Omenajem konsege identifika falsu rihun ida-resin durante tinan hirak ba kotuk.

"Iha lubuk ida ne'ebé ami diminui ona. Iha ema ne'ebé gosta inventa sasan tun-sa'e. Komisaun Omenajem hamutuk ho Sekretáriu Estadu Veteranu konsege minimiza ona", tenik Sekretáriu Estadu Veteranu, Gil da Costa "Oan Soru" iha Palásiu Prezidensiál, Bairru-Pité, Tersa (11/6).

Nia mós husu ba timorona balun ne'ebé hatene ema sira ne'ebé gosta inventa tun-sa'e sasan sira ne'e mai aprezenta para bele salva osan Estadu nian hodi fó ba kiak no mukit sira.

Governante ne'e mós dehan, ema sira ne'ebé konsege diminui ona husi veteranu ne'e sansaun tribunal mak fó, tanba ministériu ko'alia kona-ba administrasaun.