Temportimor (Dili)-Parlamentu Nasionál deside hodi autoriza Prezidente Repúblika Francisco Guterres Lu Olo hodi dekreta Estadu Emerjensia relasiona ho pandemia Corona Virus Diasses 2019 (Covid-19).

PN deside ho unanimidade, liu husi votus nominal ho a favor 64, kontra 0, no abstensaun 0.

Ho nune'e, PN ofisialmente autoriza Prezidente Repúblika hodi deklara estadu emerjensia ba teritoriu Timor-Leste tomak.

Estadu Emerjensia sei hahú aplika iha 28 Marsu tuku 00.00 no sei remata iha 26 Abril tinan ida ne'e. Maske nune'e, bainhira situasaun la konsege rekopera, iha posibilidade atu prolonga tan.

Iha intervensaun Bankada sira, maioria bankada apresia no fó apoiu ba PR Lu Olo atu dekreta Estadu Emerjensia tanba konsidera katak Covid-19 sai nu'udar ameasa real ba vida umanu nian.

Tan ne'e, deputadu sira konsidera presiza tau forsa hamutuk hodi bele halo prevensaun ba Covid-19.

Tanba, bazeia ba deklarasaun PM Taur katak, sistema saúde iha Timor-Leste seidauk sufisiente atu atende kazu Covid-19.

Entretantu, hafoin Ministériu Saúde (MS) anunsia katak iha Timor-Leste iha ona kazu pozitivu Covid-19 ida, iha Segunda (23/03), governu haruka pedidu ba Prezidente Repúblika atu deklara estadu emerjensia.

Iha Tersa, (24/03), Prezidente Repúblika Francisco Guterres Lu Olo konvoka enkontru ho Konsellu Superior Defeza no Seguransa (KSDS) no Konsellu Estadu )KE) hodi diskute asuntu refere.

Hafoin rona ona opiniaun husi membru KSDS no KE no haree katak presiza halo duni deklarasaun estadu emejénsia, PR husu autorizasaun husi Parlamentu Nasionál, liu husi  mensájen ida.

"Karik Parlamentu Nasional aprova, Prezidente Repúblika sei deklara estadu emerjénsia liu husi  dekretu Prezidensial," deklara PR Lu Olo liu husi komunikadu molok husu autorizasaun ba PN.

Tempotimor (Dili)-Deputadu husi Bankada Congreso Nacional Reconstrução Timorense (CNRT) Adérito Hugo da Costa husu ba Prezidente Repúblika (PR) Francisco Guterres Lú-Olo atu rezolve imediatu estatutu governu atual hodi bele fó fatin ba governu foun mosu no aprezenta proposta orsamentu foun.

Tempotimor (Dili)-Primeiru Ministru Taur Matan Ruak informa Timor-oan ida iha Same, Munisipiu Manufahi mak sai suspeitu ba Corona Virus Deasses 2019 (Covid-19).

Tempotimor (Dili)-Partidu CNRT hamutuk ho PD, KHUNTO, PUDD, UDT no FM deklara ona formasaun Aliansa Maioria Parlamentar (AMP) foun. Sira ezije atu Prezidente Repúblika Francisco Guterres Lu Olo foti lalais ona desizaun hodi demite Primeiru Ministru Taur Matan Ruak nune'e bele fó fatin ba Primeiru Ministru indizitadu Xanana Gusmão lidera fila fali governu foun.

Kargu Primeiru Ministru la'os kargu foun ida ba Xanana Gusmão. Prezidente CNRT ne'e fila-fila ona tuur iha kadeira PM. Ikus liu mak Xanana deside rezigna an iha dalan klaran hodi "entrega" fali ba Rui Maria de Araujo.

Maibé, ba tinan ida ne'e, Xanana hatudu fila fali nia hakarak ne'ebé boot atu tuur fali iha kadeira Primeiru Ministru.

Xanana ne'ebé molok ne'e "halimar" de'it iha palku kotuk, ikus-ikus ne'e hahú hatudu aan ho momoos.

Iha Tersa (24/03) liu husi konferensia imprensa ne'ebé lidera husi Xanana iha sede CNRT fó sai momoos intensaun ne'ebé durante ne'e "subar" hela.

CNRT ho nia aliadu sira ho momoos fó presaun ba PR Lu Olo atu foti lalais desizaun hodi entrega poder ba sira-nia liman.

Bainhira governu ne'ebé lidera husi PM Taur esforsu hela atu rezolve problema inundasaun no ameasa Covid-19, CNRT ho nia aliadu sira aproveita oportunidade ida ne'e atu hamonu governu, la'os ajuda governu hodi buka solusaun.

Lee mós: Tan Poder, CNRT cs Prontu Sakrifika Buat Hotu, Inklui Povu

"En vez de fo’o apoiu ba governu atu iha kapasidade ba hola medidas importante sira, CNRT interese liu atu hamonu governu iha tempu ida ne’ebé povu hasoru hela problema boot. Que tristeza!", deklara Bankada FRETILIN ho PLP iha PN, Kuarta (25/03).

"Hatudu To'ok PM Taur Nia Sala"

Deputadu husi bankada FRETILIN David Dias Ximenes "Mandati" husu ba deputadu sira ne'ebé halibur malu ona iha CNRT nia mahon atu hatudu Primeiru Ministru Taur Matan Ruak nia sala iha ne'ebé.

Deklarasaun Mandati ne'e relasiona ho ezijensia husi CNRT ho nia aliadu sira ne'ebé hakarak atu Prezidente Repúblika Francisco Guterres Lu Olo aseita ona pedidu demisaun PM Taur hodi loke dalan ba formasaun governu foun.

“Ohin ita koalia, ha'u lakohi tama ba orsamentu, ha'u halo de'it ba observasaun ida, ita koalia dialogu dehan iha konstituisaun laiha dialogu, ohin ita mós koalia kona-ba estadu no Governu ida ne’e ninia vizensia ne’e, ita ejize, ita hanesan presiona Taur Matan Ruak, agora ha'u husu de'it, sala saida mak barak loos iha Taur Matan Ruak par agora ita umilia nia? Ha'u la koalia ona kona-ba orsamentu, ita atu buska par atu umilia hatun Taur Matan Ruak,” dehan Mandati iha ninia intervensaun iha plenaria PN.

"Uluk-uluk Governu bele lao hamutuk hela, depois rezolve gabinete ne’e, see mak sala hasai, mais ida ne’e lae tenke hasai mak Taur Matan Ruak, Taur Matan Ruak ne’e sala saida?."

"Ha'u hakarak ema ida iha ne’e responde mai ha'u, Taur Matan Ruak nia sala par ita atu omilia nia, ha'u hakarak ida ne’e de'it, ha'u dezafia ema hotu iha ne’e, ema ruma dehan Taur Matan Ruak nia sala ohin loron ha'u vota kontra kedas,” deklara Mandati.

Tuir Mandati, deputadu sira iha PN mai bosok malu atu hamate PM Taur.

"Iha ne’e ita bosok malu, ita bosok malu atu hamate Taur Matan Ruak, hakarak hatun Taur Matan Ruak, hakarak umilia Taur Matan Ruak, koalia loloos mai,” nia sadik.

Tempotimor (Dili)- Prezidente koligasaun foun Kay Rala Xanana Gusmao Konsidera prezidente Republika (PR) Fransisco Guteres Lu-olo hakerek konstituisaun, maibe la komprende Lei.

Tempotimor (Dili)- Prezidente koligasaun foun, Kay Rala Xanana Gusmao ne'ebe AMP husi Partidu neen indizita ona atu asume hikas kargu Primeiru Ministru iha IX Governu, eziji atuPrezidente Republika, Francisco Guterres Lu Olo, halo lalais demisaun ba Primeiru Ministru VIII Governu Konstitusional, Taur Matan Ruak.

Tempotimor (Dili) - Reuniuan Konsellu Estadu no Konsellu Defeza Seguransa konkorda atu Prezidente Repúblika deklara Estadu Emerjénsia. Tanba ne'e, dentru oras 24 nia-laran sei haruka karta hodi husu autorizasaun ba Parlamentu Nasionál.

Tempotimor (Dili) - Reuniaun Konsellu Estadu hahu, iha tuku 11:15 OTL, maibe eis-Prezidente Repúblika, Kay Rala Xanana Gusmão falta iha reuniaun hodi diskute kona-ba oinsá Estadu Timor Leste luta hasoru situasaun pandemia, Coronavirus Disease 2019 (Covid-19).

Tempotimor (Dili) - Estadu Timor-Leste liuhusi enkontru Konsellu Superiór Defeza no Seguransa no Konsellu Estadu diskute hodi sei foti asaun sériu hasoru Coronavirus Disease 2029 (Covid-19).

Tempotimor (Dili) - Prezidente Repúblika,  Francisco Guterres Lú Olo, sei prezide reuniaun Konsellu Defeza no Seguransa no Konsellu Estadu, relasiona ho pedidu Estadu Emerjénsia ba prevensaun Coronavirus Disease 2019 (Covid-19).