Mota Lakló Hahú Ameasa to'os JALA

Toos Juventude Agrikultura Lakló Anan (JALA), hetan amesa husi mota Lakló, posibilidade udan ho intensidade boot, bele sobu agrikultór sira nia aihan neebé kuda ona iha toos laran Toos Juventude Agrikultura Lakló Anan (JALA), hetan amesa husi mota Lakló, posibilidade udan ho intensidade boot, bele sobu agrikultór sira nia aihan neebé kuda ona iha toos laran Foto Tempo Timor

Tempotimor (Lakló)- To'os Juventude Agrikultura Lakló Anan (JALA) ne’ebé nakonu ho aihoris ortikultura oioin, hahú hetan ameasa husi mota Lakló, tanbadistánsia heka deit ona metru sanuluho mota refere.

Koordenadór grupu Juventude Agrikultura Lakló Anan (JALA), Justino Mariano de Carvalho informa, molok ne'e ekipa husi Institutu Jestaun Ekipamentu (IJE) sira ba suru ona rai-henek hodi taka netik atu mota labele sobu, maibé hafoin udan ne'ebé tau iha loron tolu tuituir malu iha semana kotuk, komesa sobu ona parte balun no iha possíbilidade boot ba oin, mota sei lori ameasa ba sira nia to'os.

"Agora ita haree katak mota komesa sobu daudaun ona no lakleur tan bele tama to'o ami nia to'os laran, ami sente triste, bainhira mota tama to-o iha ne'e, tanba produtu ai-han oioin mak durante ami kuda, falta metru 10 tan, bele sobu ona", Justino Mariano de Carvalho hateten ba tempotimor.com iha nia kna'ar fatin to'os JALA iha natar Bilou, Domingu (20/12).

 

 

Nia dehan, atividade ne'ebé grupu juventude agrikultór sira halo iha to'os JALA, konsentra liu ba produsaun ortikultura hanesan kuda modo, hakiak ikan inklui seluk tan, no planu sei hakiak mós animal karau ho manu timor.

"Kada loron ema mai sosa ami nia modo, no sorte di'ak bele hetan to'o $15 ou $20, dala-ruma mós laiha, tanba depende ba nesesidade. Osan sira ne'e ami uza hodi sosa fali fini ho matérial sira seluk hanesan enxada, katana hodi halo servisu iha to'os", nia dehan.

Nia rekomenda ba governu atu hato'o preokupasaun ne'e ba nasionál bele foti medidas urjénsia ruma hodi halo konstrusaun morru atu proteze modo ne'ebé sira kuda ona.

Entretantu, to'os JALA hahú nia ezisténsia iha loron 18 fulan fevereivu 2018, ho membru hamutuk ema nain 15, no nia luan hamutuk hektares 2 ne'ebé lokaliza iha aldeia Uma-surat, suku Uma-naruk, postu administrativu Lakló, munisípiu Manatutu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks