Login to your account

Username *
Password *
Remember Me

SEKoop Husu CUDM Kria Kooperativa Produsaun

Sekretáriu Estadu Kooperativa (SEKoop), Elizário Ferreira, dada lia hela ho membru no dirijente husi kooperativa Credito Uniăo Domin-Huhun (CUDM) iha Aldeia Belebato, Suku Ma'abat, Postu Administrativu Manatutu Villa, Munisípiu Manatutu. Sekretáriu Estadu Kooperativa (SEKoop), Elizário Ferreira, dada lia hela ho membru no dirijente husi kooperativa Credito Uniăo Domin-Huhun (CUDM) iha Aldeia Belebato, Suku Ma'abat, Postu Administrativu Manatutu Villa, Munisípiu Manatutu. Foto Suplay

Tempotimor (Manatutu)-Sekretáriu Estadu Kooperativa (SEKoop), Elizário Ferreira, husu ba kooperativa Credito Uniăo Domin-Huhun (CUDM) atu kria tan kooperativa ida ho tipu produsaun iha Aldeia Belebato, Suku Ma'abat, Postu Administrativu Manatutu Villa, Munisípiu Manatutu.

"Sé bele, ita-boot sira kria tan took kooperativa produsaun ida iha ne'e (Manatutu)", hatete Elizário Ferreira bainhira konversa ho dirijete no membru Koperativa CUDM sira iha Manatutu, kinta (16/09).

Tanba vizita ne'ebé halo ba Kooperativa CUDM atu haree direta progresu saida mak membru sira hetan ona, no rona preukupasaun saida mak hasoru, hodi nune'e bele enkoraja no motiva liután atividade kooperativa iha baze.

Prezidente Kooperativa Domi-Huhun, Paulos Pelile Ladzar hatete, sira bele promove tan ba kooperativa produsaun, tanba maioria membru sira halai natar, maibé presiza mós liuhusi formasaun ida.

"Ida ne'e bele, tanba ita-nia membru sira ne'e produsaun haree barak, sira agrikultór nomos peskadór. Ne'e bele mais agora ida ne'e ita mós tenke halo formasaun, para ita fó empresta mós labele sira foti tiha, depois la fó fila. Tanba ne'e ema barak nian, importante mak ida ne'e", dehan nia.

Kooperativa CU Domin-Huhun, hari'i iha tinan 2007, husi membru na'in-15, no ikus mai sira hetan mós formasaun kooperativa husi SEKoop rasik.

"Atividades ne'e halo kréditu uniaun "simpan pinjang", rai osan hamutuk no fó emprestimu fali. Fofoun ne'e ami na’in-15 de’it iha domin huhun, depois kontinua simu formasaun husi diresaun nasionál kooperativa, to’o ohin loron, membru 238, ho kapitál US$115 mill”, informa nia.

Kritéria atu sai membru, ba dahuluk dirijente no membru tuan sira tenke halo uluk konsola ka fó hanoin liuhusi edukasaun ba membru sira komprende kona-ba oinsá mak atu rai osan, halo emprestimu no nia benefísiu sira direta ba membru.

"Importante mak ne'e. Mais kuandu nia hakarak empresta de'it, ita labele atende. Valór orsamentu atu sai membru labarak ida, ho de'it US$35. Osan ne'e aloka ba simpanan pokok, wajib no uang pangkal, tolu ne'e. Jurus ne'ebé fó liuhusi kréditu ne'e ho 3% mai kraik, ba de'it membru", dehan nia.

Kooperativa iha komité kréditu rasik hodi halo entrevista ba membru sira ne'ebé atu empresta barak za fó eskola, loke kios, no atividade sira seluk, maibé iha tinan rua nia laran membru balu mak ladun hatama osan ho di'ak, tanba kauza husi situasaun pandemia Covid-19.

"Balu tanba pandemia ne'e ita labele subar, balu ho difikuldade ne'ebé ke orsamentu, sira atrazu. Ne'e kreditu paradu ne'e iha. Mais ita konsola ba malu. Tanba iha kooperativa, kréditu nee kan, fiar. Liuhusi fiar malu mak ita bele forma ida ne'e. Ne'ebé ita konsola malu, nia komprende ona, nia fó filafali", hatete nia.

Maske Kooperativa CU Domin Huhun iha ona rai, ne’ebé oferese husi Governu hodi utiliza hari'i ona Loza do Povu ne'e. Maibé atu hari’i sede mak seidauk, tanba membru nia osan kada tinan ne'e ita sempre iha asembleia, hodi halo alokasaun osan ba sosail nian, hari'i konstrusaun sede foun ne'e iha, mais seidauk to'o. (*)

Rate this item
(0 votes)
Last modified on Saturday, 18 September 2021 19:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter