Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
Kazu Covid-19 Konfirmadu Kumulativu 11.475 iha TL
August 07, 2021Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu kazu Covid-19 konfirmadu kumulativu hamutuk 11.475 Iha Timor-Leste (TL).
"Totál kazu konfirmadu kumulativu iha 7 fulan-Agostu 2021 (sura husi 21 Marsu 2020) hamutuk 11.475 no kazu detetatu foun 89 (iha Dili 35, Ermera 32 ho munisípiu seluk hamutuk 22), mane 29 no feto 60", informa Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liuhusi komunikadu imprensa, sábadu (07/08).
Husi totál kazu detetadu foun ho idade tinan 12 na'in-5, ho idade entre tinan 12-59 na'in-84 (94,3%), 11 kazus ka 12,3% mak sintomátiku (hatudu sintomas), kazu rekuperadu 19 no kazu ativu 1.335.
Hahú loron 6 to’o 7 fulan-Agostu, hamutuk hotu Laboratóriu Nasionál Saúde (LNS) halo 587 testes PCR iha Dili ho detalla hanesan vijilánsia sentinela 35, rastreiu ba kontaktu (contact tracing) 117, rastreiu aleatóriu (random screening) 100, viajen sai husi serka sanitária munisípiu dili 298, viajen internasionál 23 no ffollow up ihakquarentena 14.
Rezultadu testes PCR ne’ebé halo iha loron 6 fulan -Agostu iha munisípiu sira seluk REAOA ho HNGV, hamutuk 424, ho detalla hanesan Baukau 120, Ermera 1, Maliana 6, Maubisse 40, RAEOA 49,Suai 99, Vikeké 56 no HNGV 53. (*)
Tempotimor (Dili)-Estudante husi Ensinu Sekundáriu Jerál (ESG-) 5 de Maio, Apoliana N. Sarmento deklara, nia parte sente preokupa ho ezame periode daruak nian tanba seidauk asesu ba materia anuletivu tinan 2021 nian.
Tempotimor (Díli)-Ministru Prezidénsia Konsellu Ministru, Fidelis Leite Magalhães hatete, membru Governu halo segundu reuniaun alrgada hodi avalia progresu implementasaun apoiu umanitáriu no suplementariu remuneratóriu ba liña frente sira.
ESG 5 Maiu Kontinua Obedese Regra OSM-MS
August 07, 2021Tempotimor (Dili)-Diretór Ensinu Sekundáriu Jeral (ESG) 5 de Maio Bekora, Manuel Verdial hatete, estudante no funsionáriu ESG 5 de maiu kontinua obedese regra prevensaun Covid-19 ne'ebé estabelese husi Organizasaun Mundiál Saúde (OMS) no Ministériu Saúde (MS).
Austrália ho Japaun Sei Oferese Vasina Besik Doze Rihun-500
August 07, 2021Tempotimor (Dili)-Portavóz Komisaun Interministerial ba Vasina Kontra Covid-19, Danina Coelho informa, Governu Austrália ho Governu Japaun deside iha loron kinta (11/08) semana oin, sei oferese vasina AstraZeneca besik doze rihun-500 mai populasaun Timor-Leste.
MF Sei Haruka Osan Liña Frente Ba PR Lú Olo
August 07, 2021Tempotimor (Dili)-Ministru Finansas (MF), Rui Augusto Gomes hatete, osan ne’ebé aloka ba liña frente sei lori ba Prezidente Repúblika (PR), Francisco Guterres 'Lú Olo' atubele tetu.
Tempotimor (Dili)-Polísia Nasionál Timor-Leste (PNTL) liuhusi Unidade Batallaun Ordén Públika ho Companhia Operaçăo Especial (COE) kaptura sidadaun mane na'in-11 iha Suku Saburai, Postu Administrativu Maliana, Munisípiu Bobonaru, bainhira tenta atu hakat ilegál husi fronteira terrestre Timor-Leste ba sa'e sintu (sabuk) iha nasaun Repúblika Indonézia (RI).
Lú Olo Lansa Livru Diskursu PR Hodi Refleta Mandatu Tinan Rua
August 07, 2021
Tempotimor (Dili)-Prezidente Repúblika (PR), Francisco Guterres 'Lú Olo', iha loron sesta (06/08), lansa livru diskursu volume I hodi reflete mandatu nu'udar Prezidente Repúblika durante tinan 2 nia laran.
Fidelis Konsidera Ekonomista ‘Failla’ Analiza Ezekusaun OJE
August 07, 2021Tempotimor (Díli)-Ministru Prezidensia Konsellu Ministru, Fidelis Leite Magalhães konsidera ekonomista faila halo analiza ba Orsamentu Jerál Estadu, tanba sira-nia pontu de vista la reprezenta realidade ne’ebé akontese.
Populasaun Pursentu 41,2 Hahú Simu Vasina Doze Dahuluk
August 07, 2021Tempotimor (Dili)-Portavóz Komisaun Interministeriál ba Vasina Kontra Covid-19, Danina Coelho informa, populasaun Timor-Leste (TL) dadaun ne’e iha pursentu 41,2 (41,2%) hahú simu ona vasina doze dahuluk.
“Entermus nasionál, ita iha kobertura 41,2 pursentu (41,2%), iha populasaun ne'ebé mak elejível mai husi 18 anos iha Timor-Leste laran tomak mak simu ona vasina ba primeira doze, no segundu doze Timor-Leste tomak iha ona 14,3 pursentu”, dehan Danina Coelho, iha salaun MSSI, Kaikoli, sesta (06/08).
Hafoin governu lansa Kampaña Vasina ba Munisípiu Bobonaru ho forma intensiva ne'e, progresu vasinasaun hahú iha mudansa tanba populasaun iha munisípiu ne'e komesa hola konsiénsia hakat ba Sentru Saúde no Klínika sira hodi simu vasina.
“Notísia di'ak tebtebes, katak ita kuandu avansa iha Bobonaru, dia 02 de agusto ne'e, Bobonaru ninia kobertura ita hasa'e kapás, Bobonaru naton iha menus quee 20 pursentu (20%), hanesan ho munisípiu sira seluk, e ita komesa iha dia 02 to'o ohin (06/08), Bobonaru iha ona mós pursentu 25 (25%) de kobertura. Quer dizer que 25 pursentu (25%) husi ninia populasaun mós vasina ona”, informa nia.
Aleinde ne'e, iha Munisípiu Covalima, atinje ona pursentu 50-resin, Rejiaun Administrativa Espesiál Oekussi Ambeno (RAEOA) ho pursentu 41 (41%), tanba iha estratéjia ida ne'ebé bele haree ona ninia rezultadu di'ak.
Enkuantu, persentajen vasina iha kapitál Dili atinje ona pursentu 67,6 tanba populasaun barak mak hela iha Munsípiu refere.
“Munisipiu sira ne'ebé mak hamutuk hotu ho Dili ohin ha'u ko’alia ona ne'e, e atu realsa iha ne'e, munisípiu rua ne'ebé mak nia kobertura liu ona 50 pursentu (50%) mak Covalima ho Vikeké. Purtantu, sira iha ona kobertura ne'ebé mak di'ak tebtebes”, dehan nia.
Tuir planu, iha loron kinta (12/08), Governu sei lansa tan kampaña vasina Covid-19 iha Munisípiu Baukau, ho doze hamutuk rihun-50, tanba ema idade elejível sira hamutuk na'in-rihun-50 mak seidauk partisipa iha vasina Kontra Covid-19. (*)
in English
.