Login to your account

Username *
Password *
Remember Me

Fidelis Konsidera Ekonomista ‘Failla’ Analiza Ezekusaun OJE

Ministru Prezidensia Konsellu Ministru, Fidelis Leite Magalhães. Ministru Prezidensia Konsellu Ministru, Fidelis Leite Magalhães. Foto Tempo Timor

Tempotimor (Díli)-Ministru Prezidensia Konsellu Ministru, Fidelis Leite Magalhães konsidera ekonomista faila halo analiza ba Orsamentu Jerál Estadu, tanba sira-nia pontu de vista la reprezenta realidade ne’ebé akontese.

“Kualker ekonomista ida komprende katak, resposta sira ne'ebé ekonomista sira fó mak depende ba fatór saida mak ita ko'alia depende ba fundamentu argumentu sira ne'ebé buat hirak ne'ebé mak ekonomista sira hato'o ne'e mós sira-nia pontu vista la reprezenta buat ne'ebé mak akontese tanba ida ne'e mak ha'u hanoin la konven ita diskute kona-ba povu de vista sujetivu”, dehan Fidelis iha salaun Ministériu Finansas, sesta (06/08).

Husi deklarasaun ne’e Ministru Fidelis hato'o hodi responde ba ekonomista nia pontu de vista kona-ba Orsamentu Jerál Estadu ba tinan 2020-2021 ne’ebé povu la sente nia benefisiu.

Tanba iha métodu balun presiza iha indikadór no razaun sira hodi haree ba situasuan ne'ebé iha ho situasuan bele prevé iha rezultadu.

“Agora kona-ba oinsá métodu sira kalkulu ba situasaun ita dehan iha prinsípiu katerisparidu katak, bainhira kompara situasaun sira indikadór sira razaun sira motivasuan ba situasaun entaun ita bele prevé rezultadu balun”, afirma nia.

Antes ne'e Reitór Universidade da Paz (UNPAZ), Adolmando Amaral hatete, iha tinan 2020-2021 povu la sente benefisiu husi Orsamentu Jerál Estadu.

“Maibé husi orsamentu 2020 mai to’o 2021 ne’e ha’u bele dehan katak to’o agora povu la sente nia efeitu husi montante primeiru US$1.3 billaun, 2021 nian montante 1.8 billaun, hafoin orsamentu raktikativu sa’e ba 2.1, ita haree katak orsamentu ne’ebé boot, maibé ita haree laiha benefisia ba povu sei halerik nafatin, liliu infraestrutura bázika, estrada, eletrisidade, bee-moos, edukasaun no Saúde”, dehan Adolmando.

Realidade ne'ebé mak oras ne'e Timor-Leste hasoru mak iha tinan 2020, Covid-19 invade Timor-Leste no iha loron 4 fulan-Abríl tinan 2021 akontese inundasaun ne'ebé estraga fasilidades no infraestrutura barak. (*)

Rate this item
(2 votes)
Last modified on Saturday, 07 August 2021 10:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter