Login to your account

Username *
Password *
Remember Me

Deskonfia Membru UPF Fasilita Sidadaun Ilegál ba RI, PNTL Kaptura Na’in-11

Joven hamutuk na'in-11 ne'ebé PNTL kaptura iha fronteira terrestre área Saburai, oras ne'e halo hela identifikasaun iha komandu Munisípiu Maliana, sábadu (07/08). Joven hamutuk na'in-11 ne'ebé PNTL kaptura iha fronteira terrestre área Saburai, oras ne'e halo hela identifikasaun iha komandu Munisípiu Maliana, sábadu (07/08). Foto: Suplay

Tempotimor (Dili)-Polísia Nasionál Timor-Leste (PNTL) liuhusi Unidade Batallaun Ordén Públika ho Companhia Operaçăo Especial (COE) kaptura sidadaun mane na'in-11 iha Suku Saburai, Postu Administrativu Maliana, Munisípiu Bobonaru, bainhira tenta atu hakat ilegál husi fronteira terrestre Timor-Leste ba sa'e sintu (sabuk) iha nasaun Repúblika Indonézia (RI).

Tanba deskonfia sidadaun na’in-11 ne’ebé tenta hakat liu fronteira, tanba Membru PNTL husi Unidade Pollísia Fronteira (UPF) hamutuk ho sidadaun Indonézia ida koko atu fasilita sira hodi hakata ilegál ba Indonézia.

“Ohin (07/08), tuku  tolu (3:00), dadersan madrugada ita-nia membru UEP ne’ebé lidera husi Komandante BOP rasik Inspetór Rosalino do Santos no komandante ekipa COE Inpetór asistente, Julio Bosco, halo operasaun konjunta hodi kaptura tan joven na'in-11 iha Suku Saburai, inklui sidadaun Indonézia ida ho naran inisiál AM no membru UPF nian ida ne’ebé mai hasoru sira hodi fasilita tama ilegalmente ba Indonézia sa'e sabuk”, informa  Komandante UEP, Superintendente Xefe Polísia, Orlando Gomes Orlando, liuhusi karta komunikadu ne'ebé www.tempotimor.com asesa, sábadu (07/08).

Tanba ne'e, PNTL sei foti medida ba membru Grupu Arte Marsiál sira ne’e hodi prosesa tuir lei ne’ebé vigora iha Timor-Leste (TL).

“Membru arte marsiál ne’ebé ohin hetan kapturasaun ita sei halo identifikasaun no entrega ba ekipa saúde Covid-19 hodi kumpri kuarentena hafoin sei hetan investigasaun husi Koordenasaun Ofisiál Ligasaun Forsa Tarefa (COLFT) no ikus liu ba entrega ba Ministériu Públiku hodi prosesa tuir lei”, afirma nia.

Maske situasaun iha Timor-Leste, estadu ho governu aplika hela estadu emerjénsia hodi taka mós movimentu sidadaun sira-nian iha fronteira terrestre, maibé foinsa'e na'in-11 ne'e, atu hakat ilegál ba sa'e sintu iha nasaun viziñu Indonézia.

“Maske dadaun ne’e Munisípiu Bobonaro sai ona hosi Serka Sanitaria Governu nafatin aplika Estadu Emerjénsia hodi halo prevensaun ba Surtu Covid-19, maibé joven sira kontinua hakat fronteira ho ilegalmente hodi ba sa’e sabuk iha Indonezia”, hatete nia.

Enkuantu, ligadu ba asuntu seguransa iha liña fronteira terrestre nian, oras ne'e membru UEP sei reforsa tan efetivus balu hodi fó apoia ba Unidade Patrullamentu Fronteira (UPF) ho Falintil Forsa Defeza Timor-Leste (F-FDTL). (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter