Tempotimor (Dili)-Bankada Congresso Nacionál de Reconstrução de Timor (CNRT) kontra intensaun Prezidente Parlamentu Nasionál (PN), Aniceto Longuinhos Guterres Lopes, hodi adia Eleisaun Prezidensia Republika ne’ebé sei akontese iha tinan 2022.

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopez, husu sidadaun timoroan hotu atu kaer metin obra Forsa Libertasaun Nasionál Timor-Leste (FALINTIL) ne'ebé eroi no martire sira husik hela.

Tempotimor (Dili)-Bankada Congresso Nacionál de Reconstrução de Timor (CNRT) hamutuk ho Bakanda Kmanek Haburas Unidade Nasionál Timor Oan (KHUNTO) iha Parlamentu Nasional (PN) krítika maka’as Ministériu Saúde (MS) ne’ebé la koopera ho Primeiru Ministru (PM), Taur Matan Ruak, bainhira fó sai regra prevensaun Covid-19.

Tempotimor (Dili)-Prezidente Komisaun F ne’ebé trata asuntu Saúde, Seguransa Sosiál no Igualdade Jéneru, iha Parlamentu Nasional (PN), Deputadu Noe da Silva ‘Buka Tuir’ hatete, sidadaun timoroan presiza simu vasina tanba ne'e hanesan kilat hodi bele haforsa imudade hasoru covid-19.

“Mais liuhusi husi meiu sira hanesan ne'e, ami hakarak enkoraja de'it ema hothotu, oinsá mak bele asesu ba vasina ida ne'e. Tanba kilat ne'ebé hothotu ba ultima solusaun vasinasun”, hatete nia iha PN, kinta (05/08).

Tanba, situasaun covid-19 ne'ebé Timor-Leste enfrente, presiza sidadaun hotu hola partisipasaun, atu hadook-an husi situasaun ne’e liuhusi prevensaun no imetigasaun.

Maibé Komisaun F rasik to'o agora seidauk rona informasaun kona-ba ema simu Vasina dala-tolu ne'ebé akontese iha Munisípiu Dili.

“Ha’u-nia parte ba informasaun ida ne'e, ha’u seidauk rona, e seidauk mós ha’u haree kondisaun ema ne'e tanba ita seiduak rona informasaun”, dehan nia. (*)

Tempotimor (Dili)-Komisaun F ne’ebé trata asuntu Saúde, Seguransa Sosiál no Igualdade Jéneru, iha Parlamentu Nasional (PN) sei halo analiza ba opiniaun no pareser husi deputadu proppnente nomós entidade relavante hodi halo aprovasaun ba projetu lei númeru 29/V/(3ª) kona-ba Protesaun Labarik no Joven iha Perigu (PLJP).

Tempotimor (Dili)-Parlamentu Nasionál (PN) deside fó orientasaun ba Komisaun Espesializada A, C, no D atu kontinua hala'o serbisu durante iha periodu resesu.

Tempotimor (Dili)-Prezidente Grupu Uniaun Nasionál Juventude Maubere (UNIJMA) ativista Pro-Repúblika Demokrátika Timor-Leste (RDTL), Mario dos Reis, hatete povu iha Munisípiu Baukau sente trauman ho prezensa Militár Estadu Unidu Amerika (EUA) iha reabilitasaun ba kampu avaiasaun iha Baukau.

Tempotimor (Dili)-Prezidente Parlamentu Nasionál (PN), Aniceto Longuinhos Guiteres Lopes, deklara nia parte lakoi budu proposta alterasaun lei pensaun vitalisia (LPV) durante asume kargu Prezidente.

Tempotimor (Dili)-Bankada Congresso Nacional de Reconstrução de Timor (CNRT) iha Parlamentu Nasionál (PN) hakarak governu daualu ne’ebé lidera husi Primeiru Ministru (PM), Taur Matan Ruak, susesu iha ezekusaun Orsamentu Jerál Estadu (OJE) tinan 2021 ho montante billaun US$2.1.

Tempotimor (Dili)-Parlamentu Nasionál (PN) deside aprova ona pedidu husi Prezidente Repúblika (PR), Francisco Guteres ‘Lú Olo’, kona-bá deklarasaun renovasaun Estadu Emerjénsia (EE) ba dala-16.

Razaun, Parlamentu Nasionál fó autorizasaun ba PR atu dekreta EE-16 liuhusi konvokatóriu reuniaun plenária estraordinária, tersa (27/70), tanba haree ba situasaun surtu covid-19 no variante delta ne'ebé sai preokupasaun ba mundu inklui Timor-Leste.

Ho ida ne'e, estensaun EE ne'e parsialmente halo suspensaun (bandu) direitu sira hanesan, sirkulasaun internasionál, liberdade sirkulasaun no fixasaun rezidénsia, direitu reuniaun no manifestasaun, liberdade ba kultu, direitu ba edukasaun no direitu propriedade, direitu ba rezisténsia, no inisiativa ekonómika privada.

Hafoin anunsia rezultadu, Prezidente Parlamentu Nasional, Aniceto Longuinhos Guteres Lopez hatete, maske rezolusaun ba autorizasaun Prezidente Repúblika aprova ona, maibé tuir lei kona-ba rejime estadu sítiu ka Estadu Emerjensia bainhira desizaun ne'e Komisaun Permanente nian entaun plenária tenke halo diskusaun kona-ba konfirmasaun ba desizaun.

“Rezultadu husi aprovasaun ne'e hetan votus afavor 18, kontra 0 no abstéinsaun 13”, dehan nia iha plenária PN, tersa (27/07).

Governu ne’ebé hato’o pedidu estensaun estadu emerjénsia haree ba evolusaun preokupante ba situasaun epidemiolójika no proliferasaun kazu rejistadu ho COVID-19 ne’ebé aumenta iha nível rejionál no nível mundiál.

Tuir dadus husi Organizasaun Mundiál Saúde (OMS), iha loron 23 jullu 2021, infesaun SARs-Cov-2 mundialmente rejista kazu konfirmadu hamutuk 192.242.207 no hamate ona ema hamutuk 4.136.518 tanba moras ne’e. Nune’e mós iha nasaun Indonézia, rejista kazu infesaun SARs-CoV-2 hamutuk 3.082.410 no hamate ema 80.598.

Númeru infesaun ho variante Delta husi loron ba loron desde fulan-juñu númeru kazu sae maka’as tebes. Iha Provínsia Nusa Tenggara Timur (NTT) ho kazu infesaun hamutuk 33.456 no hamate ema 669.

Desde fulan-marsu 2020 to’o 26 jullu 2021, Timor-Leste rejista kazu konfirmadu ho SARS CoV-2 hamutuk 10.348, kazu ativu 695 no hamate ema na’in-26.

Entretantu Pedidu Prezidente Repúblika (PR) ne'e bazeia ba alinea G, artigu 85, konjuga ho artigu, 25, iha konstituisaun Repúblika, nomos artigu 6, númeru 1, 9, 11, 15, to'o númeru 27, aleinde lei numeru 3/2008, 22 fevereiru kona-ba rejime estadu sítiu no Estadu Emerjénsia, renovasaun deklarasaun estadu Emerjensia, ba teritoriu nasional, ne'ebe fundamenta no subsisteésia situasaun kalamidade públiku.

Deklarasaun EE ba dala-16 sei hahú vigor iha tuku 00:00, domingu, 1 fulan-agustu, to'o tuku 23:59 segunda, 30 agustu 2021. (*)