Deputadu Bankada CNRT, Domingos de Carvalho, hatete Ministeriu Saúde (MS) fó sai regra la koopera deklarasaun Primeiru Ministru (PM), Taur Matan Ruak, bainhira sidaduan simu ona vasina dala rua livre movimentu.

“Maksudnya la ida de’it ne'e tanba ida-idak ko’alia ninian, porzemplu, Ministra Saúde hatete dehan bele hetan tiha Vasina dala rua mós tenke swab lai foin la'o, Primeiru Ministru dehan la’e, kuandu hetan ona dala-rua livre sirkulasaun ba ne'ebe de'it”, dehan nia iha PN, segunda (9/8).

Xefe Bankada KHUNTO, Deputada Olinda Guteres, husu  Ministériu Saúde (MS) tenke koopera desizaun Pimeiru Ministru (PM), Taur Matan Ruak.

“Siknifika hanesan, Primeiru Ministru dehan katak ema ne'ebé vasina dala rua ona la'o livre e la’o livre, se preimeiru ministru dehan bele vasina dala rua labele la’o livre ne'e konforme, desizaun ne'e husi Primeiru Ministru, la'ós desizaun ne'e husi membru governu”, dehan nia.

Tanba desizaun atu halo sirkulasaun ne'e, PM Taur ko’alia ona iha Parlamentu Nasionál, katak bainhira sidadaun simu vasina dala-rua, bele hala'o sirkulasaun livre iha Timor-Leste laran no la presiza halo swab.

Maibé Konfinamentu Obrigatóriu ne'ebé governu aplika iha Munisípiu Ermera no Rejiaun Administrativa Espesiál Oekussi Ambeno (RAEOA) fó fali limitasaun ba sidadaun atu halo sirkulasun maske vasina dala-rua ona.

Ho ida ne'e MS ladun koopera ho desizaun PM Taur, maibé husu membru governu atu koopera labele governante sira halo tuir sira-nia hakarak.

“Labele Primeiru Ministru hala'o oinsá seluk, iha kraik halo oin seluk, ne'e hau hanoin la koopera malu”, afirma nia. (*)