Tempotimor (Dili)-Partidu CNRT hasoru hela situasaun politika ne’ebé halo sira-nia lider no militante “nervozu”, maske nune’e la mosu iha sira-nia hanoin atu halo asaun ne’ebé bele estraga povu no nasaun Timor-Leste.

Tempotimor (Dili)-Prezidente partidu Kongresu Nasionál Rekonstrusaun Timorense (CNRT) Kay Rala Xanana Gusmão deklara katak, partidu CNRT triste, tanba orgaun estadu haat ne'ebé sai airin ba uma lulik Timor Leste nakdoko hotu nune'e deklara kuran fiar ba lei Timor Leste.

TempoTimor (Díli)- Tuir Prezidente Parlamentu Nasionál (PPN) Aniceto Longunhos Guterres Lopes katak, halo mudansa ba Sekretaria meza no komisaun sira, iha Parlamentu Nasionál (PN) presiza iha konsensu de'it, entre bankada Fretilin, PLP no Khunto, maibé deputadu bankada Khunto Luis Roberto propoin, atu  halo konsultasaun ho bankada CNRT no UDT/FM molok halo mudansa ne'e.

Tempotimor (Dili)-Hafoin Aniceto Guterres eleitu sai Prezidente Parlamentu Nasionál, bankada FRETILIN, PLP no KHUNTO iha ona konsensu hodi halo “limpeza” hodi “hamoos” deputadu CNRT husi meza Parlamentu Nasionál.

Tempotimor (Dili)-Prezidente Parlamentu Nasionál Aniceto Guterres deklara PN sei funsiona nafatin maske bankada CNRT, PUDD, no UDT/FM deside la hola parte iha enkontru lider bankda sira no plenaria PN.

Tempotimor (Dili)- Hafoin deputadu sira iha Parlamentu Nasionál (PN) halo rungu ranga no harahun meza PPN ne'ebe mos deputadu maioria husi bankada haat vota afavor ba deputadu Aniceto Longunhos Guterres Lopes hodi okupa hikas kadeira Prezidente Parlamentu Nasionál (PPN). Maibe bankada CNRT, UDT/FM no PUDD sei la partisipa iha kualker atividade orgaun lejislativa ne'ebé lidera husi PPN Aniceto.

Temopotimor (Dili)- Relasiona ho akontesimentu konfronasaun iha Parlamentu Nasional tersa 19/5 no rezulta Meza tohar, polisia Investigasaun Kriminal (PIK) hahu foti ona dadus hodi halo investigasaun ba aktu hirak ne'e.

Tempotimor (Dili)-Reuniaun lider bankada ne'ebé lidera husi Prezidente Parlamentu Nasionál (PPN) Aniceto Longunhos Guterres Lopes, la partisipa husi bankada CNRT ho nia aliadu seluk hanesan UDT/FM, PUDD.

Tempotimor (Dili)- Hafoin bankada CNRT baku rahun meza PPN no tuda kadeira no bankada tolu iha Parlamentu Nasionál halo votasaun ba destituisaun no substituisaun Prezidente Parlamentu Nasionál Arão Noé de Jesus Amaral, ohin loraik, deputadu sira husi bankada CNRT, konvoka kedas reuniaun urjente iha sede nasionál Bairru dos Grilhos, ne’ebé marka prezensa mós husi prezidente Partidu Kay Rala Xanana Gusmão.

Tempotimor (Dili)- Prezidente Parlamentu Nasionál (PPN) Arão Noé de Jesus da Costa Amaral husu deskulpa ba povu Timor Lorosa’e (TL), kona-ba asaun ne’ebé deputadu sira husi CNRT halo iha Parlamentu Nasionál durante loron rua, hodi baku rahun meza Prezidente PN.