Deputadu CNRT 'Harahun' Meza PPN, Arão Husu Deskulpa ba Povu

Meza Prezidente Parlamentu Nasional ne'ebe harahun husi Deputadu sira iha Tersa (19/5) Meza Prezidente Parlamentu Nasional ne'ebe harahun husi Deputadu sira iha Tersa (19/5) Foto Tempo Timor

Tempotimor (Dili)- Prezidente Parlamentu Nasionál (PPN) Arão Noé de Jesus da Costa Amaral husu deskulpa ba povu Timor Lorosa’e (TL), kona-ba asaun ne’ebé deputadu sira husi CNRT halo iha Parlamentu Nasionál durante loron rua, hodi baku rahun meza Prezidente PN.

"Ha'u hodi PN nia naran, haneaan PPN, relasiona ho aktu ne'ebé akontese komesa husi horisehik, ohin, ha'u hakruuk ba povu Timor Leste laran tomak. Tanba ne'e, lori PN nia naran husu deskulpa ba povu Timor Leste," dehan Arão iha PN, Tersa (19/05).

Nu'udar PPN Arão sei responsabliza akontesimentu ne'ebé mosu iha PN.

 

VIDEO DETIK DETIK ANTES MEZA PN RAHUN

 

"Hanesan PPN, ha'u sei responsabliza no ha'u husu deskulpa ba povu tomak, ha'u husu mós perdaun”, nia husu.

Tuir observasaun dezde primeira lejislatura ne’ebe hahu iha 2002, foin iha 2020 ba dahuluk reprezentante povu Timor Leste baku rahun meza Prezidente Parlamentu Nasional, uda kadeira no halo barullu iha plenaria Parlamentu Timor Leste.

“Triste no moe hare membru Parlamentu Nasional ne’ebe hatudu hahalok violentu iha orgaun soberanu ida nia laran. Atetude ne’e hamo’e Timor Leste nu’udar nasaun ida iha mundu,” dehan Antoninho D. R. X. Da Costa, Estudante Universitariu ida iha Dili.

Iha Parte seluk Padre Parku Bekora, Amo Domingos Soares Maubere hi’it a’an ba to’o kedan Parlamentu Nasional hafoin hare vide’o balun relasiona ho hahalok haklalak  maluk to’o saruntuk malu.

VIDEO PUBLISIDADE APELU HUSI PM TAUR APLAUS BA FRONT LINE

 

 

 

“labele ba hakilar malu hanesan iha liur futu manu ba hakilar malu, sala justisa iha, tanba hotu-hotu hakruk ba justisa. Iha liberdade atu diskute maibe diskute ho ita nia matenek no razaun labele tan buat ki'ik ba haksesuk malu, oras ne'e povu iha krize kuaze tinan tolu ona",  dehan Padre Maubere, iha Parlamentu Nasional.

Padre ne'ebe iha tempo okupasaun Indonezia sempre kuinesidu ho naran Padre Maubere ne'e dehan luta ba Timor nia ukun a'an ne'e hetan mos apoiu husi solidaridade komunidade Internasional nune'e hahalok iha parlamentu ne'e hatudu imajen ladiak ba liur.

“Ha’u mai ne’e atu hasoru deputadu sira hotu atu hato'o ami nia laran triste ne’e,” Padre Maubere hateten ba Xefe Bankada Partidu Demokratiku, Antonio da Conceicao.

 

Rate this item
(0 votes)
Last modified on Tuesday, 19 May 2020 23:13
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.